去長野縣松本旅遊，除咗可以漫遊歷史景點，仲可以享受購物樂趣。松本市係以國寶松本城為中心，歷史悠久嘅城下町，觀光景點同各式傳統工藝品同手信都好豐富。今次小編就要為大家介紹去到松本5款必買手信嘅推薦啦。
松本市傳統工藝「松本手毬」
「松本手毬」嘅製作歷史起源於1700年代後半，係松本代表性嘅工藝品。將絲線纏繞成美麗嘅線球，以紅色、黃色、紫色等絲線縫製。全部一律由職人手工製作，纖細嘅質感及顏色嘅巧妙配搭為其特色。
順帶一提，「手毬」本來係一種日本傳統玩具。現今則流行用嚟做室內裝飾擺設。
糖果零食「飴煎餅」（あめせんべい）
「飴煎餅」係一種以細砂糖製成嘅和菓子。松本自古盛行製造糖果，有好幾間糖果（飴菓子）老舗。其中「飯田屋飴店」嘅「飴煎餅」嘅口感更係好似威化餅咁鬆脆為特徵。
使用松本當地酒製成嘅「酒饅頭」
「酒饅頭」係一款使用松本當地酒所製成嘅傳統饅頭和菓子。將紅豆餡塞入饅頭內蒸製而成，甜度適中，口感清爽，深受男女老幼喜愛。
喺松本市內好多和菓子店都有賣酒饅頭，其中以和菓子屋「藤Mura （藤むら）」最出名。
和菓子「お城最中」
「お城最中」以糯米製作嘅外皮，內裡裝滿紅豆粒餡。因為係一款以國寶松本城為造形嘅和菓子，所以好有代表性，一定要買啦！仲要松本市有賣「お城最中」嘅和菓子店鋪「藤屋」都係得3間分店咋！夠唒特別。
味噌焦糖夾心餅「MI-SO-LA SAND（ミソラサンド）」
「MI-SO-LA SAND（ミソラサンド）」係一款松本近年先推出嘅一款松本原創小食。以松本特產嘅味噌同紫蘇所製成嘅夾心餅，中間夾著味噌焦糖。
喺部分和菓子・洋菓子店都可以買得到。每間店鋪所製作嘅外皮都有唔同，不妨買幾間嘅嚟食比較一下呀。
可以買到松本手信嘅地方
以上所介紹嘅松本手信同美食名產，都可以喺松本市内主要購物景點買到。以下幾個係熱門地點。
車站或機場的禮品店
喺松本站等主要車站、信州松本機場都可以買到各式各樣嘅松本食品同傳統工藝品等等。怕觀光時買太多手信，搞到行李太重？咁一係喺回程時喺車站或者機場先買啦，方便又預到足夠行李空位！
松本的商店街
松本有「中町通」同「繩手通」兩大商店街，唔只係一條保留江戶時代建築特色嘅街，仲有多間店可以買到工藝品、和菓子、洋菓子等具松本特色嘅手信。其中以「中町通」嘅店舖數量會比較多。
Comments