「中町」位於長野縣松本市，係一條懷舊建築物林立嘅商店街。保存好多傳統建築様式「土蔵造」嘅建築物，係一個充滿濃濃日式懷舊風情嘅熱門人氣行街景點。
關於中町通
中町通係一條擁有400年歷史嘅城下町商店街。其中最令人矚目嘅係，從1800年代後半以來留存落嚟，具有黑白幾何學花紋牆壁嘅建築。呢種建築形式被稱為「海參壁藏造（なまこ壁の土蔵）」（將灰漿呈方格形貼上）。1800年代後半為咗預防頻繁發生嘅火災而興建。大家可以漫步於呢條傳統街道，感受日本懷舊風情嘅同時，享受購物嘅樂趣。
中町通行街重點攻略
中町通聚集各種餐廳、禮品店、雜貨店，而當中最受大家歡迎嘅係民藝、工藝品店鋪。自古以來，松本市就係好多手藝工匠活躍嘅地方。到現在，松本市依然有好多工藝品創作者、畫廊及工藝品店鋪，有「工藝品之鎮」美譽。
另外，中町聚集咗好多工藝品老鋪，例如「CHIKIRIYA工藝店」、「伊原漆器專門店」，以及販售當地藝術家作品嘅「GRAIN NOTE」、「coto.coto」等。作為松本手信帶返香港都好適合呀！
一口氣行唒松本市繩手通與中町通商店街
去中町玩嘅話，就一定要去「繩手通」啦！繩手通係一條沿著「女鳥羽川」呢條河伸延出嚟嘅商店街。重現江戶時代嘅下町風貌，古董店、個性時尚雜貨鋪、懷舊零食店等，有近50間店鋪林立。
喺繩手通買嘅小食，仲可以喺中町邊行邊食。鯛魚燒，煎餅等美食應有盡有！
中町的美食＆餐廳
唔想「掃街」，想坐低食正餐或者休息吓都我，喺中町有咖啡店、日式料理店、西式餐廳、酒吧等。其中特別推薦復古風格嘅咖啡店呀，影出嚟嘅相充滿「文青風格」！
例如「Nakamachi Café」將工廠遺址翻新，重建為一棟土蔵造風格嘅建築物。呢度嘅招牌菜為超有人氣嘅梳乎厘Pancake（スフレパンケーキ）。其他仲有「藏SHIKKU館」，將歷史悠久嘅傳統釀酒廠所改造成觀光景點，仲附設可以享用和菓子同輕食嘅Café添。
中町嘅酒店、旅館住宿指南
中町地區有西式嘅「池田屋酒店」，及擁有130年以上歷史嘅土蔵造日式旅館「丸茂旅館（まるも旅館）」等住宿設施。區內酒店嘅選擇較少，建議擴大範圍，去徒歩約10分鐘距離嘅「松本站」附近搵全宿比較方便。松本站附近嘅酒店較多，而且價錢經濟實惠。
去中町嘅交通
如果想遊中町，可以從東京或大阪搭新幹線或高速巴士去到松本站，之後徒步行約10分鐘就到。
景點資訊
- 景點名稱：中町
- 地址：長野縣松本市中央
- 交通方式：從JR松本站徒歩約10分鐘
- 是否提供Wi-Fi：有（Matasumoto City Free Wi-Fi）
- 對應語言：英文
- 可否使用信用卡：VISA, MasterCard, JCB, AMERICAN EXPRESS, Diners Club International（依各施設而異）
Comments