日光嘅「憾滿之淵」地形奇特、可以欣賞大谷川嘅湍急溪流同日光大自然之美。隨著四季變化景色，無論係新綠、紅葉定係雪景都各有魅力，呢個係日光不為人知嘅秘景。
憾滿之淵：神秘又美麗的黑色熔岩深淵
憾滿之淵係日光「男體山」火山爆發時熔岩所形成嘅小溪谷。熔岩凝固後形成嘅河床，被湍急河流日漸侵蝕，而大自然嘅鬼斧神工又打造出另一片粗獷又美麗嘅奇景。河岸嘅巨型岩石上，設有晃海僧正建造嘅不動明王石像。「憾滿之淵」呢個名嘅由來，係採用晃海大憎正師墓言嘅最後一句「憾滿」。上流峭壁刻有梵文「憾滿」，相傳係由真言宗嘅開山祖師「弘法大師」擲筆刻下。
欣賞憾滿之淵的重點
「憾滿之淵」嘅特色係大谷川氣勢磅礡嘅湍流，隨著四季變換展現出唔同風貌 。春天同夏天嘅「憾滿之淵」鬱鬱蔥蔥充滿生機；晴天時可以睇到碧水藍天嘅急流；秋天可以欣賞紅葉美景；冬天則係唯美浪漫嘅雪景。四季都可以欣賞到不同魅力嘅美景。
「憾滿之淵」幽靜的行山路徑
憾滿之淵南岸嘅行山路徑沿途矗立著佈滿青苔嘅地藏菩薩像。據聞每次數地藏菩薩嘅數量都唔同，所以被稱為「鬼地藏（化け地蔵）」。當初有100尊地藏菩薩像，但有啲被洪水沖走，現時只剩下70尊左右。身上佈滿青苔嘅地藏石像，散發一股神秘嘅魅力。另外，仲會喺特定期間內舉行地藏石像點燈活動。循著大谷川沿岸行，登上石階，就可以到達河川上方嘅展望台。喺展望台可以俯瞰憾滿之淵，近距離望呢個湍急嘅溪流，感受其懾人嘅壯觀奇景。
出發去憾滿之淵嘅交通方式
於東京站乘搭新幹線，於「宇都宮站」落車，再轉搭JR日光線，於「日光站」落車。再喺JR日光站或東武日光站乘搭巴士，於「日光總合會館前」落車，徒歩約20分鐘。
景點資訊
- 景點名稱：憾滿之淵
- 地址：栃木縣日光市匠町
- 交通方式： 於JR日光站或東武日光線東武日光站乘搭巴士，於「日光總合會館前」落車，徒歩約20分鐘。
- 是否提供Wi-Fi : 沒有
- 對應語言： 僅限日文
- 票價: 免費
- 可否使用信用卡：不支援
Comments