被稱為日本三大奇橋之一嘅栃木縣日光「神橋」，位於日光二荒山神社附近，作為日光神聖嘅橋樑而廣為人知。外觀係鮮豔嘅朱紅色，係日本指定嘅國家重要文化財產。橋梁優美嘅造型同絢麗嘅色彩，充滿日本風味，前來朝聖嘅遊客絡繹不絕。渡橋時，更可以近距離欣賞建築的美。去到日光，點可以錯過呢座擁有神秘傳說嘅日本「神橋」，感受一下呢？
被列入世界文化遺産的「神橋」
「神橋」屬於「日光二荒山神社」，係一座橫跨於大谷川嘅木造朱漆橋。於1999年被登錄為世界文化遺産。橋身長28米、寬7.4米、離水面高度10.6米。傳說喺奈良時代後期，有一日當僧侶‧勝道上人為咗修行到達二荒山（男體山）時，被大谷川嘅急流阻擋無法前進，因此念經祈求神明保佑。呢個時候，一位佛教嘅守護神現身，並架起一座橋，令勝道上人順利過到對岸。呢個就係「神橋」嘅由來。神橋之後喺1636年被塗上朱紅色漆。亦曾於1902年被洪水沖走，最後於1904年重建。
日光神橋的「許願紙飛機」
日光二荒山神社及其神橋係好出名嘅能量景點。「神橋」喺民間傳說中係一座神秘又神聖嘅橋，一直以來受到世人尊重。需要買票先可以渡橋，費用為大人300円、中學高中生200円、中學初中生及小學生100円。橋嘅另一端無路可行，需原路折返。另外，喺購票處可以買到「許願紙飛機」。相傳只要喺紙飛機上寫低願望，從神橋上向大谷川掟出，就可以實現願望，有機會都要試試睇吓靈唔靈吖！
「神橋」四季皆美的風景
夏天嘅時候，朱紅色嘅橋梁加上背景翠綠嘅山巒，形成強烈對比嘅視覺效果。再加上橋下嘅大谷川溪流，形成一個清涼又治癒嘅空間。秋天時又可以欣賞到朱紅色嘅橋同黃紅色嘅楓葉互相映襯，如詩如畫。到冬天時，神橋被白雪覆蓋，喺白雪雪嘅雪景中，朱紅色嘅神橋更顯突出。一年四季都可以欣賞到佢不同面貌嘅風采。
出發去神橋嘅交通方式
從東京站乘搭新幹線，於宇都宮站落車。於宇都宮站乘搭JR日光線，於日光站落車。於JR日光站或東武日光站徒歩約20分鐘。亦可以乘搭「往中禪寺湖方向」嘅東武巴士，於「神橋」落車即抵達。
景點資訊
- 景點名稱：日光二荒山神社 神橋
- 地址：栃木縣日光市上鉢石町
- 交通方式： 從JR日光站或東武日光站徒歩約20分鐘
- 是否提供Wi-Fi：沒有
- 對應語言：僅限日文
- 購票地方：社務所
- 可否使用信用卡：不可以
Comments