日光嘅秋天係旅遊最佳季節。日光有山巒、瀑布、湖泊等自然美景，亦有被列入世界遺產嘅神社、寺院建築群，係自然同人文景點都好豐富嘅觀光勝地，一年四季都可以欣賞到唔同景色。
日光嘅秋天
日光係一個擁有豐富自然環境嘅紅葉知名旅遊地。除咗群山、湖畔、瀑布等大自然景色，仲有各式觀光景點可以讓你盡情享受日光嘅秋天。從市中心出發去日光嘅交通都好方便，係全年都適合觀光嘅旅遊目的地。特別喺秋天時更加係日本數一數二嘅賞紅葉熱門景點，有「紅葉故鄉」之稱。所以，喺紅葉季節期間觀光人潮總係絡繹不絕。因此不如就趁秋高氣爽嘅時節，去日光嚟個秋季賞楓之旅啦！
日光嘅紅葉
日光有好多賞紅葉嘅好去處，例如嚟到中禪寺湖，就可以一覽奥日光全景。位於海拔1,269米高嘅中禪寺湖係日本最高嘅天然湖泊之一，遊客從半月山展覽台可以眺望中禪寺湖及周圍山巒紅黃交織嘅楓葉美景。中禪寺湖嘅紅葉最佳時期為往年10月中至10月底。另外，亦推薦一邊乘船遊湖，一邊近距離欣賞湖面上紅葉倒影。
日光秋天賞楓活動
日光賞楓季節期間，好多地方都會舉辦夜間點燈活動，例如您可以到日光山輪王寺「逍遙園」欣賞點燈後充滿幻想氣氛嘅日本庭園同紅葉。逍遙園建於江戶時代初期，係一個極具代表性嘅池泉迴遊式日本庭園。點燈期間嘅開放時間為下午4點至晚上8點。參觀費用為大人500日圓、中學生或以下免費。
另外，「龍頭瀑布」亦會不定期舉辦點燈活動，遊客可以喺場內欣賞映襯著滿山紅黃綠色嘅瀑布美景。紅葉最佳觀賞時期約為9月底至10月頭。
前往日光嘅交通方式
從東京出發嘅話，於「東京站」乘搭東北新幹線，於「宇都宮站」落車後再轉乘JR日光線，於「日光站」落車。喺日光站後，乘搭路線巴士或東武鐵道等即可以方便抵達各名勝地區。
景點資訊
- 景點名稱：中禪寺湖 半月山展望台
- 地址：栃木縣日光市中宮祠
- 交通方式：於「東武日光站」乘搭往湯元溫泉方向嘅東武巴士（約45分鐘），於「中禪寺溫泉」落車。轉搭中禪寺湖SKYLINE半月山線巴士（約20分鐘）於總站落車，徒歩約25分鐘抵達。（中禪寺湖SKYLINE半月山線巴士運行期間為7至8月及10月至11月頭）
- 是否提供Wi-Fi : 沒有
- 對應語言：僅限日文
- 票價：免費
- 可否使用信用卡：不可以
景點資訊
- 景點名稱：日光山輪王寺 逍遙園
- 地址：栃木縣日光市山内2300
- 交通方式： 於JR「日光站」或「東武日光站」乘搭東武巴士（約7分鐘），於「神橋」落車徒歩約5分鐘。
- 是否提供Wi-Fi : 沒有
- 對應語言：僅限日文
- 購票地方：售票處
- 可否使用信用卡：不可以
景點資訊
- 景點名稱：竜頭之滝
- 地址：栃木縣日光市中宮祠
- 交通方式：於東武日光線「東武日光站」乘搭往湯元溫泉方向嘅東武巴士(約1小時)，於「竜頭之滝」落車即抵達。
- 是否提供Wi-Fi : 沒有
- 對應語言：僅限日文
- 票價：免費
- 可否使用信用卡： 不可以
Comments