長野縣必買手信推薦5選

嚟到長野縣旅行，買啲咩手信返香港好呢？長野有豐富自然資源，生產出各種名產美食、傳統工藝都好出名，樣樣都好啱做手信！今次小編就要同大家介紹一系列必買手信同可以入手嘅地方。

長野縣著名特產 OYAKI（おやき）

「OYAKI」係長野嘅郷土料理，外皮由小麥粉同蕎麥粉製成，內餡包著長野名産野澤菜或紅豆，就好似包子料理咁。OYAKI細細個，可以當做小食咁邊行邊食就正喇。根據地區同店鋪，內裡包嘅餡同製作方法而會有啲唔同，買多幾種嚟食比較吓最鍾意食邊間都得呀！

信州蘋果批（まるごとりんごパイ）係一道使用長野縣其中一樣特產—蘋果製成嘅西式甜品，最大特色係用一整個蘋果放落個皮入面！以蜜糖醃製蘋果，再喺內裏加入蜂蜜蛋糕，再將蘋果派外層烤成香脆嘅蘋果批。

長野高地氣候適合栽培蘋果，味道甘甜濃郁，爽口多汁。除咗蘋果派，仲可以試埋其他用長野蘋果製成嘅甜品！

「七味唐辛子」係一種混合咗唐辛子、生薑、芝麻等7種香料製成嘅具日本代表性嘅辣味調味料，亦係長野名產之一。其他仲有七味唐辛子味嘅仙貝、薯片等，連抽出七味唐辛子辣味成分所製成嘅護膚品都有添！

「栗鹿之子」係一款長野嘅和式生菓子。長野以生產栗子聞名。將成粒栗子醃製放入砂糖後攪拌熬煮栗子餡。有用罐頭包裝，咁就易拎返香港做手信啦。

「內山紙」係長野傳統工藝之一。使用100％桑科植物作為原料，以雪將紙漂白嘅傳統手藝。主要用於書法用紙以及障子（日式房屋用來隔間用嘅拉窗，拉門）。亦用於明信片，信紙等文具以及和紙燈飾等。

長野手信同名產等喺長野縣內主要嘅購物據點都可以入手。但係傳統工藝品通常都係製造商嘅專賣店先有賣。

推薦位於長野站附近嘅「權堂商店街」，呢度賣各種和菓子、化妝品等商品。另外，長野主要車站附近嘅購物商場，同舊輕井澤銀座通等各大購物景點之中都可以買到好多手信。

喺長野站等主要車站，信州松本機場都有賣食品及雜貨等種類豐富嘅手信。喺回程嘅時候經過，都可以一次過買，省時又方便！