木曾谷地區係木曾川溪谷為中心地區嘅總稱，坐落於日本本州中心長野縣嘅南西部。木曾川沿岸嘅中山道上，設有多個「宿場」（即古時提供休息地方嘅驛站）。
關於木曾谷
木曾谷指嘅係長野縣橫跨至名古屋嘅木曾川溪谷一帶，長野縣西南部同岐阜縣交界嘅地區。東邊被駒岳、西邊被御嶽山等群山環繞。一般指嘅木曾谷觀光，就係指呢啲地區。
木曾谷有咩必去又好玩嘅景點？
木曾谷有豐富嘅大自然景點，仲有保留日本昔日風貌嘅古老街道，啱唒想喺日本老街影相嘅你！
去木曾谷行山欣賞大自己景觀
木曾谷附近有好多群山、山道、溪澗、森林等自然資源。大部分景點都有完善嘅步道供人行山。其中以木曾駒岳、城山、鳥居山道等登山路線較為輕鬆。另外，木曾谷數一數二嘅名勝「寢覺之床」（巨大花崗岩與溪谷嘅震撼景觀）同被稱為日本三大美林之一嘅「赤澤自然休養林」等都好值得去造訪！
妻籠、奈良井等木曾谷附近嘅「宿場」
木曾谷附近有一條被稱為「中山道的江戶時代街道」。中山道大約設有11個宿場。其中妻籠及奈良井至今仍保有昔日街道嘅景象而聞名。
木曾谷地區嘅美食＆餐廳
木曾谷嘅特產係「蕎麥」同「五平餅」。蕎麥麵使用木曾川嘅水，以清甜甘醇為其特徵。而五平餅則係將核桃、豉油、砂糖，芝麻等調味料加以混合，再用炭火烤製而成。
大部分嘅飲食店都有提供以上兩種名產美食。最方便就係木曾福島車站附近都有舖頭賣啦。
木曾谷附近嘅酒店、旅館
木曾谷周邊嘅住宿設施整體嚟講都比較少，分佈喺各地區。住宿種類以小型旅館及民宿居多。或者，可以去「木曾御嶽溫泉」、「南木曾温泉」等溫泉郷，入住有天然溫泉設備嘅日式旅館。
從東京出發去木曾谷嘅交通方式
因為香港無直航去長野縣，不過飛去東京再去木曾谷都唔錯呀！可以從新宿站或東京站出發。喺新宿站搭「往塩尻站方向」嘅「特急梓Azusa（あずさ）號」；或者喺東京站搭「往名古屋站方向」嘅新幹線「NOZOMI號（のぞみ）」。然後再從「塩尻站」或「名古屋站」搭「特急信濃號（しなの）」，即可以去到「木曾福島站」。
景點資訊
- 景點名稱：木曾谷（木曾福島站）
- 地址：長野縣木曾郡木曾町福島萬郡2010
- 交通方式：
- 從新宿站經過塩尻站約3小時13分鐘
- 從東京駅經過名古屋站約3小時2分鐘
- 有無提供Wi-Fi：有（依觀光景點，住宿設施，餐廳有所差異）
- 對應語言：英文
- 購票方式：各指定車站
- 可使用信用卡：VISA, MasterCard, JCB, AMERICAN EXPRESS, Diners Club International
Comments