去松本遊「大自然及歷史之旅」

松本城嘅所在地—長野縣松本市，昔日以松本城為中心嘅城下町而繁榮。喺松本市內保留咗好多具歷史性嘅街道同建築物。另外，周邊亦有日本阿爾卑斯山等高原地區，被大自然環繞。

關於松本

松本位於長野縣嘅西面位置，分為3大觀光地區，有標高約2,000米遼闊嘅「美之原高原地區」、城下町「松本城地區」以及群山連綿嘅上高地、乘鞍等「日本阿爾卑斯地區」。

松本有高地及盆地地區。高地地區全年氣溫偏低，冬天時更會有好多落雪日。相對嚟講，盆地地區全年濕度低，年間降雨量少，所以晴朗日子較多。

所以建議喺春天，夏天，同秋天去松本旅行係最好㗎。

松本歷史悠久，自然景點嘅魅力都好豐富。今次小編就要同大家介紹松本嘅各種推薦景點。

松本除咗有中心地帶嘅「松本市」地區，東部有「美原高原」，係行山同觀星嘅人氣觀光景點；而西邊一帶則係集結溫泉同滑雪場嘅「乘鞍」地區；以及有登山健行路線嘅「上高地」等，可以感受到日本阿爾卑斯山地區嘅大自然。

日本國寶松本城係松本市嘅象徵，係一座建於1590年代嘅古城。另外，周邊嘅城下町地區至今仍留存日本傳統「蔵造」建築，係一個可以充份感受歷史氣息嘅地區。

松本市内有美食館等文藝景點。特別推薦「松本市美術館」，館內展出各式各樣松本市出身嘅藝術家嘅作品，仲有展出世界聞名嘅藝術家「草間彌生」嘅獨創作品。

大部分餐廳集中於松本站附近，輕輕鬆鬆就可以食到松本名產美食。

松本美食有信州牛、馬刺身、地雞等特產美食。特別以「山賊燒」作為松本具代表性嘅郷土料理。呢道美食係以胡椒特製嘅辣味調味料嚟醃製雞脾同雞胸肉，撒上太白粉再拎去油炸。

松本車站附近有好多價格實惠嘅酒店。另外，松本車站東邊有「淺間」「美原」等溫泉鄉，推薦去松本旅遊可以住喺呢啲酒店。或者松本市以外去到有溫泉鄉嘅「乘鞍」地區住旅館浸溫泉都唔錯呀！

從東京出發嘅話，於新宿站乘搭JR中央本線特急列車。最快約2小時30分鐘即可抵達松本站。