栃木縣日光市嘅「EDO WONDERLAND 日光江戶村」係一個重現江戶時代街景嘅主題樂園。一入園，就感受到濃濃嘅江戶時代氣氛。扮成江戶時代嘅武士同商人行喺古代嘅老街，就好似坐上時光機返到江戶時代咁！除咗復原度好高嘅老街，仲有精彩表演、體驗活動、展示江戶時代嘅文化同歷史嘅展覽館等，有好多嘢玩，抽時間去玩返一整日都唔錯呀！
Edo Wonderland 日光江戶村 有得睇又有得玩！
「Edo Wonderland 日光江戶村」於1986年喺栃木縣日光市開幕，係一個重現日本江戶時代街景嘅主題樂園。園内將江戶時代嘅街景逼真還原。有人會著江戶時代嘅服裝行嚟行去，就咁睇都已經可以投入到喺正宗嘅江戶時代入面。除咗老街景色，仲有各式各樣嘅遊樂設施，亦有由忍者或花魁等精彩日式表演。可以因應自己感興趣嘅日本傳統文化去揀表演睇，例如有忍者威風凜凜嘅表演或美艷花魁嘅舞蹈等等。
Edo Wonderland日光江戶村的特色：讓你穿越時空回到江戶時代
「日光江戶村」分為五個區域，街道（通往江戶的道路）、宿場町（旅館城鎮）、商家街（市場區）、武家屋敷（武士住宅），以及忍者之里（忍者村），係重現江戶時代嘅文化與生活樣貌。行入日光江戶村，隨時可以遇到由工作人員扮演嘅各種江戶時代人物，以生動兼互動嘅方式俾你親身感受江戶時代嘅氣氛。推薦村內嘅換衣變裝體驗，可以打扮成江戶時代嘅武士或農村姑娘。穿著傳統和服漫步於江戶風格嘅街道上，影「日本風」靚相留念！另外，仲有提供各種體驗型活動，忍者體驗（適合5歲至12歲小童）、劍術及日本傳統騎射技藝嘅「流鏑馬」體驗（適合13歲或以上人士）。
Edo Wonderland 日光江戶村開園相關資訊
營業時間分別以冬夏季2個時期而有所不同：夏季從3月20日至11月30日，營業時間為上午9點至下午5點；冬季從12月1日至3月19日，營業時間為9點半至下午4點。入場時間至閉園前1小時截止。逢星期三休息及12月8日至12月21日（如遇日本公眾假期或長假期等則照常營業）。入園費用方面，中學生以上大人一日券價為4700円、小學生2400円。下午2點後進場可以購買半日券，大人4100円、小學生2100円。未就學兒童免費入園。
去Edo Wonderland 日光江戶村嘅交通方式
從東京出發的話，於東京站乘搭JR山手線至神田站，轉車搭地鐵東京METRO銀座線，於淺草站落車。再行到「東武淺草站」，乘搭東武鬼怒川線。於鬼怒川溫泉站落車，乘搭當地巴士約20分鐘或搭的士約10分鐘就到。
景點資訊
- 景點名稱：Edo Wonderland 日光江戶村
- 地址：栃木縣日光市柄倉470-2
- 交通方式：於「東武淺草站」乘搭東武鬼怒川線，於鬼怒川溫泉站落車，乘搭路線巴士約20分鐘抵達。
- 是否提供Wi-Fi：有
- 對應語言：英文
- 購票地方：購票處
- 可使用信用卡： VISA, MasterCard, JCB
Comments