高千穗內有多間神社。如果唔夠時間去唔哂嘅話，建議淨係去高千穗神社都得喇。擁有1,900年歴史嘅高千穗神社，係高千穗地域88個神社嘅總社，過去有「十社大明神」之稱。總社即係代表該地域嘅神社。只要嚟呢度參拜，都可以代表參拜埋其他神明。
每晚舉辦嘅高千穗神樂
如果計劃行程係住高千穗嘅話，咁就絕對唔可以錯過高千穗神社夜晚所舉辦嘅「夜神樂」啦。「夜神樂」以日本神祉為主題進行表演舞蹈，係一個日本傳統藝能表演。並且係一項受到國家保護嘅重要活動。高千穗嘅「夜神樂」係喺毎年冬季晚間舉行，但高千穗神社為咗遊客，每晚都會舉辦「高千穗神樂」。時間為1個鐘，可以短時間內欣賞33種舞姿中其中4種具代表性嘅舞姿。
觀賞費用1人為700円。「高千穗神樂」從夜晚8點開始，有興趣就要記低，好好規劃行程啦！
關於高千穗神社 十社大明神的雕刻
當然唔係淨係得夜晚先至可以感受到高千穗神社嘅魅力。神社內有根據「御毛沼命」嘅傳說製作嘅雕刻。「御毛沼命」係高千穗神社祭祀嘅「十社大明神」其中之一。傳聞佢退退咗名叫「鬼八」嘅惡鬼。「御毛沼命」啤住「鬼八」嘅神情非常有特色。
為咗祭祀鎮壓「鬼八」嘅靈魂，以前會將16歳嘅少女當作活祭品供奉獻祭。而家則係會喺毎年1月舉辦「猪掛祭」嘅慰靈祭，以山豬代替少女奉獻上去。為咗令「鬼八」沉睡，一邊唱催眠之歌，一邊拎住竹葉左右搖動。
令人願望成真嘅夫婦杉
高千穗神社內聳立著兩棵樹齡約800年嘅大杉樹。兩棵並排聳立，猶如一對恩愛嘅夫婦，因此被稱為「夫婦杉」。據聞只要同最鐘意嘅人手牽手，圍住樹幹繞3圈就可以祈求永結同心，家族平安，子孫繁榮呢3個願望。
出發去高千穗神社嘅交通方式
由於電車無法到達高千穗，高千穗巴士中心可以話係玄關口。從巴士中心出發去高千穗神社，乘搭的士約3分鐘即可抵達。不過坐咗咁耐嘅長途巴士，散步15分鐘行去神社都係一個唔錯嘅選擇吖。
景點資訊
- 景點名稱：高千穗神社
- 地址：宮崎縣西臼杵郡高千穂町大字三田井1037
- 交通方式：從高千穗巴士中心徒歩約15分鐘
- 有無提供Wi-Fi：沒有
- 對應語言：發佈「高千穗神樂」中文、英文、韓文說明小冊子
- 票價：免費
- 可否使用信用用卡：不支援
Comments