日西文化合璧嘅街道！橫濱推薦酒店

人氣觀光景點橫濱坐擁多間酒店。由於橫濱港口開通初期，有大量外國人居留喺呢度，令橫濱迅速吸收海外文化，有特別多西式設施。今次，小編就要為大家介紹橫濱嘅推薦酒店。

「新横濱」新橫濱王子大飯店新幹線觀光旅行非常方便

乘搭新幹線可以方便抵達各地區。有「新橫濱王子大飯店」及直通新横濱站嘅「新橫濱Associa大飯店」等。

中華街、山下公園附近一帶喺開港初期面向外國人設立各式各樣嘅酒店。有多間具歷史嘅酒店仍留存至今。

開創於1927年嘅「橫濱新格蘭酒店HOTEL NEW GRAND」係專設俾日本國內，國外VIP使用嘅酒店。館内設計豪華，正面嘅客房可以眺望橫濱跨海大橋以及一望無際嘅海港。

另外除咗可以品嚐正宗法國料理，仲有其他從開業開始就做招牌菜嘅各種西式料理，例如係拿破崙意粉，多利亞焗飯（芝士焗飯）等，可以品嚐到來自世界各地嘅美食，亦感受到酒店嘅歷史變化。

喺介紹橫濱嘅時候，通常會以橫濱港未來21作為代表。係一個坐擁多間高級酒店嘅地區。

「橫濱皇家花園酒店」嘅客房全部位於52樓以上，可以眺望優美景色。如果入住65至66樓天空度假村樓層「俱樂部」（The Club）嘅話，仲可以喺専用嘅LOUNGE貴賓室辦理入住手續，享用早餐及輕食，夜晚仲設有雞尾酒時間等特別服務。

館内設有日式，西式，以及中式餐廳一共8間店鋪。其中一間餐廳兼宴會場「FLORA」仲獲得日本清真基金會嘅清真認證，全方位照顧唔同住客嘅需要。

關內・馬車道・伊勢崎町係喺開港當時，外國人居住區以及日本人居住區嘅分界線。當時嘅建築以及新建成嘅建築互相融合，充滿「橫濱的風格」。

「橫濱編輯酒店Hotel Edit Yokohama」以「編輯個人風格的旅行」為理念，係一間品格優雅嘅酒店。距離車站近，位於方便出發去各觀光地點嘅好絕佳地理位置。客室以白色作為主題顏色，地板為海藍色，釀造出猶如橫濱港口城市嘅氣氛。

於餐廳及酒吧提供以當造食材製作各式美味料理。早餐為每日替換嘅開胃菜同熱菜菜餚，沙律，蛋料理，燕麥片等，以西式自助餐形式提供。

※餐廳及酒吧只提供早午餐