神奈川縣橫濱內唔少街道、觀光景點附近或住宅區公園內等都種有櫻花樹。每逢櫻花季，市內到處都可以欣賞到櫻花，絕對係遊客一大好去處！今次，小編就要為大家介紹橫濱內各處賞櫻名勝。
「三溪園」：以三重塔及櫻花美景聞名
三溪園佔地廣闊，內裡佇立著從京都及鎌倉遷移得來嘅17棟日本住房，係一個景色優美嘅庭園。園內種有約300棵染井吉野櫻花，聯同日本山櫻，大島櫻，枝垂櫻等等形成滿滿櫻花靚景。每年最佳賞櫻時期為3月底至4月頭左右。花季期間嘅夜晚會舉行「賞櫻晚會」，黃昏後庭園將會點燈。燈光照射之下，背後嘅三重塔同夜櫻將會營造出一幅如詩如畫嘅靜謐美景！
景點資訊
- 景點名稱：三溪園
- 地址：神奈川縣橫濱市中區本牧三之谷58-1
- 交通方式：
- 於橫濱站乘搭約35分鐘市營巴士，於三溪園入口落車，徒歩5分鐘
- 於櫻木町站乘搭約25分鐘市營巴士 ，於三溪園入口落車，徒歩5分鐘
- 於元町・中華街站乘搭約15分鐘巴士 、於三溪園入口落車，徒歩5分鐘
- 開放時間：09:00～17:00 賞櫻晚會活動期間開放時間： 09:00～21:00
- 入場費：大人700日圓、小童（中學初中生及小學生）200日圓
「横浜港未來21」：滿開櫻花美景襯托高樓大廈及城市街道
「橫濱港未來21」係一條林立多棟時尚大廈嘅街道。「櫻花通」內種有約100多棵染井吉野櫻花，為繁華街道點上色彩。另外，亦會有唔少遊客「汽車道」以及「運河公園」內嘅草坪鋪上地蓆，慢慢享受賞櫻同樂。最佳觀賞時期係3月底至4月頭左右。
景點資訊
- 景點名稱：橫濱港未來21
- 地址：神奈川縣橫濱市西區港未來
- 交通方式： 於JR櫻木町站徒歩約5分鐘或乘搭港未來線抵達港未來站徒歩5分鐘
- 開放時間：無限制
「縣立 三池公園」：觀賞期長達2個月
縣立三池公園湖畔旁種有為數眾多嘅樹木，有「百樹之森」之稱。公園內有3個大湖畔，一到春天，包含染井吉野櫻等78品種在內，約1600朵櫻花都會猶如包圍湖畔般美麗綻放。遊客同場仲可以觀賞到鬱金櫻、橫濱緋櫻等稀有品種。最佳觀賞期間為2月至4月中，係一個可以同時欣賞櫻花盛開與凋零之美嘅名勝。
景點資訊
- 景點名稱：縣立三池公園
- 地址：神奈川縣橫濱市鶴見區三池公園1-1
- 交通方式：於JR鶴見站乘搭市營巴士約16分鐘，於三池公園北門站落車徒歩3分鐘
- 開放時間：無限制
於橫濱餐廳品嚐櫻花季獨有料理
編輯部推薦大家，櫻花季期間難得一場嚟到，記得要去埋可以賞櫻嘅餐廳用餐！橫濱市內多間餐廳都會提供櫻花主題料理，肯定會令你留下深刻回憶。另外，您亦可以考慮從海上或河上觀賞櫻花，一邊安坐於屋形船內享用餐點，體驗日本獨有傳統文化。
入住櫻花靚景酒店
於櫻花季節期間，大家當然都想住喺從窗外就可以欣賞到櫻花景色嘅客房啦！以為咁樣已經夠豪華？小編就建議可以揀一啲附帶賞櫻團或附送櫻花甜品等住宿套票嘅酒店，其中亦有酒店會提供専用觀覽船上嘅賞櫻服務，賞櫻之前記得事先check好啦！
從機場出發去橫濱嘅交通方式
從成田國際機場去橫濱
從成田國際機場出發去橫濱，乘搭往大船方向嘅JR成田EXPRESS或利木津巴士，就可直接抵達橫濱。
從羽田機場去橫濱
從羽田機場出發去橫濱，乘搭電車或巴士均需要30分鐘左右。若然想一班車直達橫濱，推薦可以乘坐利木津巴士，既能夠欣賞沿途風景又可以眺望橫濱海灣大橋與大海景色。
景點資訊
- 景點名稱：橫濱車站
- 地址：神奈川縣横濱市西區高島2丁目16
- 交通方式：
- 於成田機場乘搭JR特急成田EXPRESS約1小時30分鐘抵達
- 於成田機場（第1客運大樓北口）乘搭成田機場線利木津巴士約1小時30分鐘抵達
- 於羽田機場乘搭京急機場線急行列車約30分鐘抵達
- 於羽田機場乘搭羽田機場線利木津巴士約30分鐘抵達
Comments