自然環境豐富嘅高知，孕育各種豐富多樣嘅當地食材。高知內有多間餐廳可以享用以當地食材製成嘅料理，今次小編就要為大家介紹一系列可以享用高知美食嘅餐廳。
可以享用高知名產「炙燒鰹魚生」嘅餐廳
多間美食餐廳均提供高知名產「炙燒鰹魚生」。僅以表面炙烤，肉身有8成左右都係生嘅狀態，厚切盛盤。配搭大蒜等調味料以及醬汁一齊享用。雖然睇落好簡單嘅一道茶，但每間餐廳都有唔同特色，每間都試吓都唔錯吖。
於1917年創業嘅老舗 提供高知郷土料理嘅餐廳「司 高知本店」
「司 高知本店」係一間當地聞名嘅郷土料理店。店鋪內設有和室同洋室，營造一個時尚優雅嘅空間。提供鰹魚刺身等郷土料理，以「九谷燒」及「有田燒」瓷器碗碟盛盤。亦提供土佐（高知嘅舊稱）名產「皿鉢料理」（2人份量或以上）。係一間可以享用高知各種傳統美食嘅餐廳。
餐廳資訊
- 餐廳名稱： 司 高知本店
- 地址： 高知縣高知市播磨屋町1-2-15
- 交通方式： 從土佐電鐵播磨屋橋站徒歩約3分鐘，或從 JR高知站徒歩約12分鐘
- 對應語言： 提供英文餐單
- 可否使用信用卡： 支援
- 營業時間：平日11:30～22:00、星期日紅日：11:00～21:30
郷土料理以外原創餐單豐富嘅「居酒屋大吉」
「居酒屋大吉」係一間以高知縣產食材製作料理嘅居酒屋。炙燒鰹魚生係將鰹魚刺身嘅皮燒得香脆，口感同味道都無得彈！而呢間店鋪最受歡迎嘅料理，就係將墨魚炸得酥脆嘅「炸墨魚丸」，成功將食材嘅美味完美呈現。其他仲有提供各種高知美食，價格實惠，令人流唒口水！
餐廳資訊
- 餐廳名稱： 居酒屋大吉
- 地址：高知縣高知市帶屋町1-15-13
- 交通方式： JR高知站徒歩約10分鐘
- 可否使用信用卡： 支援
- 營業時間：17:00～23:30（LAST ORDER 23：00）
擁有多間鰻魚料理名店嘅高知
作為鰻魚養殖發祥之地嘅高知，養鰻業曾非常興旺。因此，高知亦有多間鰻魚料理名店。高知喺煮鰻魚嘅時候唔會用蒸嘅方法而係直接燒，同關東鰻魚料理嘅食感完全唔同。
到訪高知必食！提供香噴噴嘅蒲燒鰻魚「KAIDA屋」
「KAIDA屋」係高知縣內聞名嘅鰻魚飯専門店。使用宮崎契約養鰻場嘅鰻魚，鰻重嘅飯則使用當地契約農家越光米。以炭火燒烤嘅鰻魚，皮猶如炸雞咁炸得香脆、肉身鮮甜美味。即嗌即整，需時1個鐘左右。咁好味真係等幾耐都值得啦！
餐廳資訊
- 餐廳名稱： KAIDA屋
- 地址： 高知縣南國市濱改田1330-3
- 交通方式： 高知機場乘搭的士約10分鐘
- 營業時間： 【星期二至五】11:00～14:00及16:30～19:00 【星期六、日及日本公眾假期】11:00～19:00（繁忙期間賣完即止）
高知茶種類非常豐富！專門提供茶嘅人氣Café
高知嘅土地自古以來就係適合栽培茶葉嘅地方。因此，仲出產咗各種高品質茶葉同紅茶茶葉品種。其中，提供土佐茶嘅Café備受矚目。
提供高知茶嘅「土佐茶Café」
「土佐茶Café」以提供土佐茶為中心，仲提供各種使用高知食材製成嘅美食。以實惠價格享用餐點，甜品，肯定令你滿載而歸。另外，提供10至15種方法品嚐土佐茶，包括煎茶，焙茶，Latte唔同種類嘅飲品等。特別以「甜品&茶」嘅套餐非常受歡迎，係一間可以感受到日本茶魅力嘅Café。
餐廳資訊
- 餐廳名稱： 土佐茶Café
- 地址： 高知市帶屋町2-1-31
- 交通方式： 土佐電鐵「大橋通」站徒歩3分鐘
- 可否使用信用卡： 不支援
- 營業時間： 12:00～18:00 （LAST ORDER 17:30）
Comments