東京近郊神奈川縣內嘅川崎，交通方便，有川崎大師平間寺、藤子‧F‧不二雄博物館（多啦A夢博物館）等著名景點，酒店嘅選擇都好多。今次，小編就要同大家介紹川崎推薦酒店，包你玩得盡興！
川崎有好多舒適優質嘅酒店
JR川崎站可以轉乘多條電車路線，徒步約5分鐘抵達京急川崎站，舒適嘅酒店多聚集於呢兩個車站附近位置，故推薦以川崎作為觀光據點。
鄰接JR川崎車站、視野良好嘅「川崎日航酒店」(Kawasaki Nikko Hotel)
「川崎日航酒店」鄰近JR川崎站，係一間交通方便嘅酒店。客室全部位於15樓以上。特別係最上層嘅Deluxe Twin（豪華雙人房）以及Premium Twin（高級雙人房）等，可以喺寬敞舒適嘅客房內眺望優美景色。
早餐由位於10樓嘅自助式餐廳提供，約有50種類豐富嘅餐單任君選擇，可以一邊眺望窗口外嘅景色，一邊享用美食。落單之後即場製作嘅煎蛋卷係人氣餐單之一。另外仲提供外帶咖啡，可以喺客房內悠閒飲用。係一間可以舒適度過悠閒時光嘅酒店。
酒店資訊
- 酒店名稱：川崎日航酒店 (Kawasaki Nikko Hotel)
- 地址：神奈川縣川崎市川崎區日進町1番地
- 交通方式： JR川崎站徒歩1分鐘，或京急川崎站徒歩5分鐘
- Wi-Fi支援： 有
- 對應語言：中文、英文、韓文
- 可否使用信用卡：OK
提供優質寢具讓你安眠嘅「相鐵FRESA INN 川崎站東口」 (舊 川崎燦路都大酒店）
「相鐵FRESA INN 川崎站東口」毗鄰川崎站，交通方便。附近有商店街及多間飲食店，購物用餐都非常方便。全部客房都使用獲得好評嘅品牌Simmons席夢思床具，可以療癒你旅途嘅疲憊。
另外，1樓櫃檯可以自由拎取入浴劑，浴鹽，紅茶包同綠茶包等免費服務。酒店Café唔只提供意大利咖啡，仲可以喺度享用早餐同輕食。推薦拎標香醇濃郁嘅意大利咖啡，返房慢慢嘆。
酒店資訊
- 酒店名稱：相鐵FRESA INN 川崎站東口 (Sotetsu Fresa Inn Kawasaki-Higashiguchi) (舊 川崎燦路都大酒店）
- 地址：神奈川縣川崎市川崎區砂子2-11-17
- 交通方式：JR川崎站徒歩5分鐘，京急川崎站徒歩5分鐘
- Wi-Fi支援：有
- 對應語言：中文、英文、韓文
- 可否使用信用卡：OK
時尚精緻嘅客房配備優質寢具嘅「川崎大和ROYNET酒店」(Daiwa Roynet Hotel KAWASAKI)
「川崎大和ROYNET酒店」係一間裝潢高雅及提供安逸氣氛嘅時尚酒店。選用寬敞舒適嘅床褥，可以喺上面滾嚟滾去！仲有附設按摩椅嘅房，可以療癒你旅途嘅疲憊。另外，床架連埋一齊嘅雙床併房都非常寬敞，適合長期逗留或行李較多嘅遊客。
呢間酒店附近有多間餐廳，唔怕搵唔到地方食飯。但小編就推薦喺酒店享用早餐，提供以當地食材製成各式料理嘅自助式餐，健康又美味。提供你愜意嘅住宿體驗，補充你一整日嘅活力！
酒店資訊
- 酒店名稱： 大和ROYNET酒店 川崎 (Daiwa Roynet Hotel KAWASAKI)
- 地址：神奈川縣川崎市川崎區砂子2-6-15
- 交通方式：JR川崎站東口，京急川崎站中央閘口徒歩約5分鐘
- Wi-Fi支援：有
- 對應語言：中文、英文、韓文
- 可否使用信用卡：OK
Comments