鎌倉係一個歷史悠久，被自然環繞嘅古都，櫻花季造訪嘅話更加散發著一股日本獨有嘅和風情懷，因此神奈川內有多個地方都被選為賞櫻名所百選之一。今次，小編就要為大家介紹鎌倉嘅賞櫻好去處！
古都・鎌倉賞櫻名勝
同時享受登山與賞櫻樂！鎌倉「源氏山公園」
源氏山公園係一個可以賞櫻，又可以行山嘅賞櫻名勝。公園內擺設咗鎌倉幕府創始人—源頼朝嘅人像。從源氏山公園出發八步約30分鐘，就可以睇到各種史跡，兼且享受沿途步道悠閒散步。每年喺3月底至4月中，係欣賞270朵染井吉野等櫻花嘅最佳時期，期間內仲可以睇到野鳥，係一個充滿日本風情嘅賞櫻景點。
景點資訊
- 景點名稱：源氏山公園
- 地址：鎌倉市扇谷四丁目649番1
- 交通方式：從JR鎌倉站徒歩約30分鐘
- 開放時間：無限制
漫步於鎌倉名勝・鶴岡八幡宮參道—「段葛之櫻」
鶴岡八幡宮嘅參道「—若宮大路」由葛石鋪造而成，「段葛」即係指高一級嘅步道。二之鳥居至三之鳥居之間種有180株染井吉野櫻花，組成一道全長500米嘅櫻花拱形步道。最佳賞櫻時期為3月底至4月頭，淡粉色嘅櫻花同紅色嘅鳥居形成嘅鮮明視覺對比，好比一幅絕世靚畫！
景點資訊
- 景點名稱：段葛之櫻
- 地址：神奈川県鎌倉市雪之下2-1-31
- 交通方式：從JR鎌倉站或江之電鎌倉站徒歩約10分鐘
- 開放時間：無限制
長達2.5公里嘅櫻花隧道！「鎌倉山櫻並木」及「夫婦池公園」
鎌倉山嘅主要道路內種有長達2.5公里嘅櫻花樹，組成一道長長嘅櫻花隧道，因此每年櫻花滿開嘅季節，都會吸引大量觀光客前往賞櫻。睇完櫻花、影完靚相後，亦推薦順便去埋夫婦池公園散步。喺優雅嘅自然環境下欣賞櫻花美景，真係可以令人暫時拋開一切煩惱！最佳賞櫻時期為3月底至4月頭。
景點資訊
- 景點名稱：鎌倉山櫻並木
- 地址：鎌倉市鎌倉山
- 交通方式：從JR鎌倉站乘搭巴士約20分鐘、鎌倉山站落車即抵達
- 開放時間：無限制
景點資訊
- 景點名稱：夫婦池公園
- 地址：鎌倉市鎌倉山2-2-2
- 交通方式：從JR鎌倉駅站乘搭巴士約15分鐘、見晴站落車徒歩約5分鐘
- 開放時間：無限制
櫻花季當炙要去餐廳品嚐櫻花美食！
喺賞櫻景點附近有多間餐廳可以品嚐以當季食材製作嘅美味料理。鎌倉周邊有多間餐廳都可以感受到櫻花季獨有氣氛，並提供使用櫻花製成嘅甜品。
櫻花滿開時就去住鎌倉嘅酒店
鎌倉內遍佈多間酒店，當中有唔少都係交通便利或靠近海邊，每間酒店都有其地理優勢。喺櫻花季去鎌倉旅行，建議可以去住一啲可以從窗口眺望櫻花景色嘅酒店，感受一下櫻花季氣氛。
從機場出發去鎌倉嘅交通方式
成田國際機場
千葉縣內嘅成田國際機場係日本國內擁有最多國際線航班嘅機場。從成田國際機場出發去鎌倉，乘搭JR特急成田EXPRESS非常方便。車程約1小時50分鐘，再喺大船站轉車搭6至7分鐘左右即可抵達鎌倉。
羽田機場
羽田機場有多條國內線航班。乘搭京急機場線急行列車，喺橫濱轉搭橫須賀線或湘南新宿LINE，約25至27分鐘即可抵達鎌倉。前後總共需時1個鐘左右。
景點資訊
- 景點名稱：鎌倉站
- 地址：神奈川県鎌倉市小町1丁目1
- 交通方式：
- 從成田機場乘搭JR特急成田EXPRESS至大船站約1小時50分鐘，再喺大船站轉車搭6至7分鐘左右，於鎌倉站落車
- 從羽田機場乘搭京急機場線急行列車約30分鐘喺橫濱轉搭橫須賀線或湘南新宿LINE，搭約25至27分鐘於鎌倉站落車
Comments