古都鎌倉除咗有神社佛閣，遺跡以外，仲有好多觀光景點。面向太平洋海岸線嘅鎌倉海灘，吸引好多人嚟遊車河、欣賞大海景色、享受水上活動等。今次就要為大家介紹可以喺鎌倉感受度假氣氛嘅沙灘。
可以享受海水浴嘅鎌倉海灘
最受大眾歡迎嘅「由比濱海水浴場」
由比濱海水浴場係一個每年7月至8月都吸引大量人潮去玩嘅沙灘。由於水位唔深，可以令人放心喺度游水而深受大眾歡迎。喺海水浴旺季時，喺海灘會並排起開設20間左右嘅「海之家」店舖，可以食到拉麵，日式炒麵等，同買到海灘玩水相關用具。呢度亦係每年7月舉辦嘅鎌倉煙花大會會場。
景點資訊
- 景點名稱：由比濱海水浴場
- 地址：神奈川縣鎌倉市由比濱海岸
- 交通方式：
- JR鎌倉站徒歩約15分鐘
- 江之島電鐵和田塚站、由比濱站、長谷站徒歩約5分鐘
- 遊泳開放時期：7月1日～8月31日 09:00 - 17:00 遊泳時間外可以進行衝浪及臥式衝浪
由比濱海水浴場隔離嘅「材木座海水浴場」
材木座海水浴場係由比濱海水浴場隔離嘅淺水海灘，並分開游水區同游水禁區。遊水禁區可以玩划艇、滑浪風帆等。沙灘上大概有10間「海之家」店提供飲食、沖身服務。同由比濱海水浴場一様，都係每年7月舉辦嘅鎌倉煙花大會會場。
景點資訊
- 景點名稱：材木座海水浴場
- 地址：神奈川縣鎌倉市材木座海岸
- 交通方式：
- JR鎌倉站徒歩約20分
- JR鎌倉站乘搭巴士約10分鐘，於材木座站落車徒歩約3分鐘
- 遊泳開放時期：7月1日～8月31日 09:00 - 17:00
可以眺望江之島嘅「腰越海水浴場」
「腰越海水浴場」同「由比濱海水浴場」及「材木座海水浴場」相比，面積比較廣闊，所以會有多啲空間可以活動。海水浴場靠近藤澤市，因此可以睇到江之島景色，最適合想悠閒眺望大海嘅你。
景點資訊
- 景點名稱：腰越海水浴場
- 地址：神奈川縣鎌倉市腰越海岸
- 交通方式：江之島電鐵腰越站徒歩約3分鐘
- 遊泳開放時期：7月1日～8月31日 09:00 - 17:00
可以享受水上活動同欣賞風景嘅「七里濱海岸」及「稻村崎」
雖然七里濱海岸同稻村崎禁止游水，但相對嚟講兩者都適合進行衝浪等水上活動。七里濱海岸被選為「日本海灘百選」之一，而稻村崎亦係觀賞夕陽嘅好去處。兩者都係嚟到鎌倉觀光旅行一定唔可以錯過嘅觀光景點。
景點資訊
- 景點名稱：七里濱海岸
- 地址：神奈川縣鎌倉市七里濱
- 交通方式：江之島電鐵七里濱站徒歩約7分鐘
景點資訊
- 景點名稱：稻村崎
- 地址：神奈川縣鎌倉市稻村埼
- 交通方式：江之島電鐵稻村崎站徒歩5分鐘
- 入場時間：無限制
鎌倉沙灘附近嘅餐廳
鎌倉海邊附近有好幾間舒適優雅嘅Café同餐廳，俾你充分享受度假氣氛。特別推薦一邊眺望夕陽西下一邊用餐，CP值非常高。
位於鎌倉嘅酒店
鎌倉海邊附近有多間可以從客房眺望海景嘅酒店。一於住宿喺其中一間，充分享受全日嘅度假氛圍、第二朝早一起身眼前就係一望無際嘅大海簡直爽爆！
從機場出發去鎌倉嘅交通方式
從成田機場出發，乘搭JR特急成田EXPRESS，前往鎌倉方向，途經大船站嘅路線最為方便。從羽田機場出發，乘搭京急空港線急行，抵達横濱轉乘横須賀線大約30分鐘亦可抵達。
景點資訊
- 景點名稱：鎌倉站
- 地址：神奈川縣鎌倉市小町1丁目1
- 交通方式：
- 從成田機場出發，乘搭JR特急成田EXPRESS約1小時50分鐘抵達大船站，轉乘湘南新宿LINE或横須賀線約6～7分鐘，於鎌倉站落車
- 從羽田機場出發，乘搭京急空港線急行約30分鐘抵達橫濱站，轉乘湘南新宿LINE或横須賀線約6～7分鐘，於鎌倉站落車
Comments