箱根有好多地區販售名產同傳統工藝嘅地方。各個地方都有可以盡情購物嘅地方。今次小編就要為大家介紹箱根5大購物好去處。
嚟箱根旅行可以喺邊度購買到適合嘅紀念品呢？
箱根分為5個區域，各區域都有唔同嘅魅力。無論去到邊個地方都可以買到適合嘅紀念品，另外喺車站或機場都可以買到手信，但推薦喺名勝景點度買，因為更有到此一遊嘅感覺！
箱根最古老嘅溫泉鄉「箱根湯本・塔之澤地區」購物好去處
可以買到箱根各地區紀念品嘅「箱根湯本車站前商店街」
箱根湯本車站前商店街聚集咗眾多商鋪，販售箱根各地區嘅紀念品。由於係一個古老溫泉鄉，所以有好多自古以來賣嘅各種當地特產。另外，亦有販售各式新推出嘅手信。好多人專程到「箱根SAGAMIYA」購買「NUTS VESSEL」，一種撒上各式堅果，再以焦糖塗層嘅曲奇，人氣可見一斑。
景點資訊
- 景點名稱：箱根湯本駅前商店街
- 地址：神奈川縣足柄下郡箱根町湯本
- 交通方式：箱根登山鐵道箱根湯本站落車即抵達
景點資訊
- 景點名稱：箱根SAGAMIYA
- 地址：神奈川縣箱根町湯本706-35
- 交通方式：箱根登山鐵道箱根湯本站落車即抵達
- 可否使用信用卡：支援
- 營業時間：09:00～17:00
懷舊到嶄新嘅紀念品都可以買得到！箱根「宮之下・小涌谷地區」
鑑賞藝術後買朱古力 箱根・「岡田美術館・美術館禮品店」
岡田美術館嘅商店中最受好評嘅紀念品，係由出名嘅朱古力師所製作嘅朱古力。將日本畫作大師嘅收藏作品印製喺朱古力上，撒上果仁同水果乾，製作成朱古力條。帶俾你視覺同味覺嘅雙重享受！
景點資訊
- 景點名稱：岡田美術館 美術館商品店
- 地址：神奈川縣足柄下郡箱根町小涌谷493-1
- 交通方式：箱根湯本站乘搭箱根登山鐵道約35分鐘，乘搭伊豆箱根巴士或箱根登山巴士約2分鐘。抵達小涌園站落車即抵達
- 可否使用信用卡：沒有提及
- 營業時間：09:00～17:00 只進入美術館商品店都OK
箱根交通中心亦有眾多購物地方嘅「強羅地區」
1917年創業嘅箱根老舗「中村屋」
中村屋係靠近強羅站嘅紀念品老舖。從名產強羅饅頭到箱根各式美食應有盡有。另外，仲有販售由工匠活用天然木精心製作成色彩豐富嘅「寄木細工」。此外，仲有唔需要鎖，而係用機關開啟嘅「秘密箱」同筷子等都非常受歡迎。
景點資訊
- 景點名稱：中村屋
- 地址：神奈川縣足柄下郡箱根町強羅1300-39
- 交通方式：箱根登山鐵道強羅站徒歩約1分鐘
- 可否使用信用卡：沒有提及
- 営業時間：09:00～17:00
箱根最近富士山嘅「仙石原地區」
獲得德國DLG金獎嘅香腸喺箱根「腸詰屋 箱根仙石原店」就買到啦！
「腸詰屋」喺德國農産物協會（DLG）舉辦嘅大賽中獲得約200項滿分嘅金獎受賞名店。淨係使用最低限度嘅添加物，精心製作嘅香腸，非常適合作為手信帶返香港。店内堂食可以叫枝箱根啤酒配埋嚟一齊食就最正喇！另外仲提供試食，揀啱咗先買都得！
景點資訊
- 景點名稱：腸詰屋 箱根仙石原店
- 地址：神奈川縣足柄下郡箱根町仙石原228
- 交通方式：箱根湯本站乘搭箱根登山巴士約28分鐘，於仙石案内所前徒步約1分鐘
- 可否使用信用卡：不支援
於可以眺望富士山絕景嘅「蘆之湖・蘆之湯地區」購物
箱根關所內嘅「旅物語館」買買買！
「箱根關所」係為咗維持江戶嘅治安而建立嘅遺跡。關所隔離就係「箱根關所 旅物語館」商店。商店同御番所茶屋等都係以江戶時代嘅風格作為建築設計。商店有賣煙熏蛋同箱根草餅（箱根力もち）等和菓子，仲有當地限定嘅地酒，箱根寄木細工等。係一個可以體驗江戶時代氣氛嘅購物好去處。
景點資訊
- 景點名稱：箱根關所 旅物語館
- 地址：神奈川縣足柄下郡箱根町箱根10
- 交通方式：箱根湯本站乘搭箱根登山巴士約22分鐘，於「箱根關所跡」站落車即抵達
- 可否使用信用卡：沒有提及
Comments