從鎌倉站行約10分鐘就到嘅妙本寺。距離車站近，交通方便。被杉木包圍，散發一股靜謐氣氛。寺院內有「二天門」大門，同埋鎌倉最大嘅木造「祖師堂」，以秋天美麗嘅紅葉聞名。今次小編就要為大家介紹妙本寺嘅概要，特色，同可以欣賞到嘅四季花卉。
關於妙本寺嘅歷史
妙本寺由「日蓮聖人」開山，係「日蓮宗」之中最古老嘅寺院。原本係鎌倉幕府重臣「比企能員」一族嘅府邸。鎌倉幕府初代將軍源賴朝死後，「北條氏」同「比企氏」就爭奪主導權而對立，及後「比企一族」被「北條時政」毀滅。而生存落嚟嘅「比企大學三郎能本」據聞為安撫比企一族而創建咗妙本寺。喺寺院入口穿過總門後，左邊就有寺務所、書院、正堂、鐘樓，而喺正面就有祖師堂。另外，沿著寺院內杉樹並排嘅參道而行，爬上石階就會見到塗上紅漆嘅「二天門」。
妙本寺嘅特色
寺院內裏有祖師堂祭祀日蓮聖人（祖師），祖師堂中央正面嘅佛龕安放「日蓮聖人」，其左邊有「日輪聖人」，而右邊就有「日朗聖人」。於約170年前嘅天保年間建成，同建長寺嘅佛殿並列為鎌倉最大嘅木造建築物。
另一個看點為二天門左邊有棵好大嘅楓樹，不同季節間可以欣賞到紅葉、綠葉等。
門刻有各式各樣嘅彫刻，尤其以中央嘅彩色龍浮雕為重點。面向祖師堂有兩座守護神像，右邊為「持國天王」、左邊為「多聞天王」，有著踩著邪鬼守護佛法嘅架勢。
妙本寺中嘅四季花卉
從鎌倉站行無耐就到，但仍然被大自然包圍，四季都可以睇到唔同花朵綻放。春天有染井吉野櫻花，雖然得一棵，但櫻花散落後，就到祖師堂前嘅海棠酒開花。初夏新綠，秋天紅葉都好靚，例如「二天門」前嘅楓葉，被定為鎌倉市天然記念物嘅銀杏都特別靚。特別推薦從祖師堂嘅走廊觀賞紅葉。最佳觀賞期為12月上旬之後。
出發去妙本寺嘅交通方式
於JR「鎌倉」站落車後，喺若宮大路向逗子方向行，中途轉左，喺本覺寺前，向山嘅方向轉彎，再行上斜路。從「鎌倉」站行約8分鐘就到。
景點資訊
- 景點名稱：妙本寺
- 地址：神奈川縣鎌倉市大町1丁目15−1
- 票價：心意心意
- 開放時間: 沒有限制
- 休息日：沒有規定
Comments