從北鎌倉站徒步5分鐘抵達嘅東慶寺，以「花之寺」之稱聞名，春有櫻花，初夏有繡球花等一年四季都可以欣賞到唔同嘅花卉。作為尼寺嘅「緣切寺（即斷緣嘅意思）」傳聞有唔少女性得以救贖。以下呢篇文章將為大家介紹東慶寺嘅歷史及特色等。
關於東慶寺
東慶寺嘅特色
寺院內有正堂、書院、鐘樓、寒雲亭茶室、松岡寶藏等。而正堂係最大特色，正方形嘅建築物由4塊三角形屋頂板組成攢尖式屋頂，外形獨特，供奉著釋迦如來坐像。另外，登上僅夠2人咁窄嘅石階後，就有茅草屋頂嘅房屋，無論屋頂定大門嘅建築，都可以俾你感受到曾經係尼寺嘅莊嚴氣氛。
「松岡寶藏」寶物館嘅開放時間係09:00至15:30，休息日為星期一（遇上日本公眾假期會順延至星期二），免費入場。內裏有一個右腳向前踏出嘅木造觀音立像，仲有展出同「斷緣」相關嘅古藉文書—「東慶寺文書」等，以上都被定為國家重要文化財。另外，仲可以體驗寫經，坐禪，香道同壓花等日本傳統藝道。（需額外收費）
於東慶寺欣賞四季花卉
東慶寺以「花之寺」之稱聞名。櫻花嘅種類尤其多，江戶彼岸櫻、枝垂櫻，染井吉野櫻依次綻放，喺唔同時段可以欣賞唔同櫻花嘅魅力，令櫻花季觀賞時期拉長，可以分散人流。另外初春仲有梅花，6月有玉蟬花等，一年四季都可以欣賞到唔同嘅花卉。
出發去東慶寺嘅交通方式
乘搭JR橫須賀線抵達北鎌倉站，喺東口出閘，往鎌倉方向，穿過圓覺寺前面嘅道路。從車站徒歩約4分鐘即抵達。
景點資訊
- 景點名稱：東慶寺
- 地址：鎌倉市山之内1367
- 票價：200円
- 開放時間：08:30～16:30（10至3月開放至16：00）
- 休息日：全年無休
Comments