為你徹底介紹鎌倉嘅「錢洗辨財天宇賀福神社」！

傳聞只要以「銭洗弁財天宇賀福神社」境内岩窟湧出嚟嘅靈水沖洗金錢，就可以祈求福壽開運。為咗提升金錢運而到訪嘅遊客不計其數。今次小編就要為大家介紹呢間神社嘅由來、特色同「沖洗金錢」嘅正確方法！

關於錢洗辨財天宇賀福神社

創立起源不明，傳聞鎌倉幕府嘅初代將軍—源頼朝，向神靈祈求幕府國泰安康。其後於文治元年（1185年），人頭蛇身嘅水神—宇賀福神向佢托夢，「只要用呢片土地所湧出嚟嘅水供養神明就可以天下太平」。自此源頼朝遵從神明嘅說話，喺呢度建造神社，令幕府得到安泰。

其後，鎌倉幕府第5代掌權人—北條時頼繼承咗源頼朝嘅信仰，以奥宮嘅靈水沖洗金錢，所以「只要沖洗金錢，錢就會變得越多」就成為祈求繁榮嘅民間信仰嘅起源。神社範圍內有奥宮、本社、上之水神、下之水神、七福神社等，可以續個續個誠心參拜呀！

特色為本宮隔離嘅岩窟内嘅「奥宮」。呢度湧出鎌倉五名水之一嘅洗錢水。參拜嘅人為答謝祈求得到利益，製作咗「折鶴」（紙鶴）同鳥居等供奉神明，證明咗呢度一直都有人喺度長期參拜。

其他仲有祭祀日本神話中登場嘅水神‧市杵島姫命嘅「本社」，為祈求音樂等藝術相關能力。另外穿過洞窟，進入神社內苑，右則有七福神社，裏面祭祀咗七福神，分別為惠比壽、大黑天、毘沙門天、壽老人、福祿壽、辯才天、布袋。

將紙幣或硬幣放入筐內，用勺子將水倒喺上面沖洗。將洗好嘅金錢輕輕擦乾，然後放返入錢包內，而有個有趣重點就係要盡快用咗佢。另外，拜辯才天嘅好日就係「己巳日」（即2019年為6月1日、7月31日等），會有好多人前來參拜。

從鎌倉站西口徒歩約25分鐘。途中有斜坡道路，建議著方便行動嘅鞋啊。