淨妙寺係鐮倉幕府嘅主要中心，一座由足利氏建造嘅菩提寺，以格調高雅而聞名。正堂銅屋頂令人印象深刻。2月一整月都可以欣賞到紅白梅花綻放。今次小編就要為大家介紹淨妙寺嘅歷史，特色同前往嘅交通方法等。
關於淨妙寺
建造於鎌倉市東部，沿著金澤街道。寺院位於山谷中央，西邊有杉本寺，東邊有胡桃谷，南邊可以眺望衣張山。鎌倉時代前期武將—足利義兼喺文治4年（1188年）創建密教系寺院嘅極樂寺。其後，佢嘅兒子義氏將教派改名為「臨濟宗」，而寺廟則改名為淨妙寺，從而成為一座禪寺。淨妙寺名列鎌倉五山第五位，全盛期更擁有23個塔頭。
通往正堂方向嘅參道左邊種有梅花，2月頭至底成個月都係賞花時期。
寺院內有正堂、喜泉庵茶室、稻荷山、鎌足神社、石窯Garden Terrace餐廳等。
鎌倉嘅由来
沿著寺院内右邊嘅道路行，上階梯就去到鎌足神社。傳說藤原鎌足喺參拜鹿島神宮嘅途中，住喺由井里（而家嘅由比濱），夢見一個不可思議嘅夢，就將鎌槍埋喺呢片土地之下，因此就有咗鎌倉呢個名字喇。
浄妙寺嘅特色
正堂為特色。於寶歴6年（1756年）重建，係一間四阿頂式（五脊殿）嘅銅板茅屋頂，左右對稱嘅建築物，沉穩風格嘅大屋頂令人印象深刻。另外，以古民家改裝而成嘅書院造樣式，喜泉庵內有枯山水庭園，綠色環境加上岩石整個配合得非常好。庭園內設有日式水琴窟，可以一邊眺望庭園景色一邊享用抹茶同落雁和菓子（費用500円）。 另外，寺院後山有林蔭步道，可以從高處眺望銅板茅屋頂嘅正堂，仲睇到衣張山添。
出發去浄妙寺嘅交通方式
從JR「鎌倉」站東口乘搭京急巴士前往「鎌倉靈園正門前大刀洗」方向約8分鐘、於「淨妙寺」落車徒步即抵達。
景點資訊
- 景點名稱：淨妙寺
- 地址：鎌倉市淨妙寺3-8-31
- 票價：100円
- 營業時間：09:00～16:30
- 休息日：全年無休
Comments