宮崎神宮魅力嘅徹底介紹

從宮崎站搭車約20分鐘，即可抵達供奉日本第一代天皇‧神武天皇嘅宮崎神宮。今次小編就要為大家介紹宮崎神宮嘅來歷同特色，以及10月底舉辦嘅宮崎神宮大祭同4月嘅流鏑馬祭等相關祭典情報。

關於宮崎神宮

供奉日本第一代天皇‧神武天皇嘅宮崎神宮，歷史悠久。傳聞神武天皇嘅孫‧健磐龍命被任命為九州長官後，為咗歌頌祖父嘅遺徳而創建宮崎神宮。右邊相殿內祭祀咗神武天皇嘅母親‧玉依姫命，左邊相殿則係祭祀咗父親‧鸕鷀草葺不合尊。神宮佔地面積廣闊，包含宮崎神宮，西神苑，東神苑等，全年約有60萬人次到訪參拜。

前往社殿嘅參道兩旁種有樹齡400年以上嘅狹野杉木，社殿亦係由狹野杉木建造。只用杉木建造嘅正殿可以話係非常罕見。另外，東神苑內仲種有樹齡400年以上嘅天然紀念物‧大白藤。

毎月朔日（每月嘅第一日），祈求新一個月可以平安度過嘅習俗。所以毎月朔日嘅參拜者都比平時多，非常熱鬧。從朝早6點開始，元旦則更從凌晨12點開始，喺宮崎神宮參道休憩所會販售參拜糕。食參拜糕有除災招福，長命百歲嘅含義。1盒300円（2個裝、賣完即止），使用季節嚴選食材，每月都會販售唔同味道。

每逢10月底星期六、日舉辦嘅「宮崎神宮大祭」係一個擁有約140年以上歷史，受到當地居民愛戴，被稱為「神武大人（神武さま）」嘅祭典。從宮崎神宮到市區街道，舉行猶如歷史繪卷咁聖駕巡遊同繞街遊行。坐喺掛有裝飾嘅馬匹上嘅新嫁娘裝扮女子，來回行走嘅「鈴鐺花嫁馬（シャンシャン馬）」亦係遊行嘅看點之一。

另外，喺4月3日櫻花滿開嘅時會舉辦流鏑馬祭。屆時，鐮倉武士著裝嘅騎馬武士會坐喺奔馳嘅馬匹上射箭。只要成功命中目標，就會如吹雪嘅彩色紙片飄落。

如果搭巴士嘅話，從「宮崎」站搭宮崎交通巴士約12分鐘，於「宮崎神宮」巴士站落車。或從「宮交City八十中心」搭宮崎交通巴士約18分鐘，於「宮崎神宮」站落車。從「宮崎神宮」巴士站徒步只需要約5分鐘。搭電車嘅話，於JR「宮崎神宮」站落車徒歩約10分鐘即可抵達。