鵜戶神宮係位於九州東南方宮崎縣嘅聞名觀光景點。位於日南海岸突出嚟嘅鵜戶崎岬尖端嘅洞穴內嘅神社，有個塗上鮮紅色嘅御本殿。今次小編就要為大家介紹鵜戶神宮嘅特色同歷史等。
關於鵜戶神宮
沿著國家公園日南海岸，面向日南灘洞穴內嘅鵜戶神宮。正殿位於洞穴內嘅神社喺日本全國嚟講非常罕見，吸引大量觀光客到訪。面積約1000平方米嘅洞穴，傳聞係主祭神產殿遺址嘅靈地。產殿即是產房的宮殿。當地稱為「鵜戶さん」，能保佑祈求安產同夫妻圓滿等，自古以來深受人們喜愛。
毎年3月都會舉辦宮崎縣嘅風物詩「鈴鐺花嫁馬（シャンシャン馬）」。係一個從江戶時代中期開始嘅習俗，新娘會騎馬，由新郎拉著韁繩，一同前往鵜戶神宮參拜。雖然而家已經無咗呢個習俗，但毎年都會喺呢段期間重現，另外仲會舉辦民謠大會等。
鵜戶神宮嘅特色
鵜戶神宮嘅特色就係塗上鮮紅色嘅正殿。「八棟造」建築嘅鵜戶神宮被指定為宮崎縣有形文化財。參拜嘅話需要沿著縣崖建造嘅石階行落去。作為神社非常罕有嘅「下り宮」（行落石階抵達正殿）形式。
另外，鵜戶神宮所在嘅南面地層，係約1000萬年前至100萬年前由砂岩以及泥岩互相交織，經過長年歲月備受侵蝕而形成嘅千疊敷奇岩。
出發去鵜戶神宮嘅交通方式
從JR「宮崎」站乘搭JR日南線約50分鐘，於「伊比井」站落車、轉搭「往日南・飫肥・都井岬方向」嘅路線巴士約20分鐘，於「鵜戶神宮」站落車；或乘搭JR日南線約1小時30分鐘，於「油津」站落車，乘搭「往宮崎站・空港站方向」嘅路線巴士約20分鐘，於「鵜戶神宮」站落車；從宮崎機場出發嘅話，乘搭「往日南・飫肥・都井岬」路線巴士約60分鐘，於「鵜戶神宮」站落車，徒步10分鐘即抵達。
景點資訊
- 景點名稱：鵜戶神宮
- 地址：宮崎縣日南市大字宮浦3232番地
- 票價：免費
- 時間:
- 4～9月：06:00～19:00
- 10～3月：07:00～18:00
- 休息日：全年無休
Comments