日本國寶鎌倉大佛殿

鎌倉代表嘅鎌倉大佛殿，正式名稱為「銅造阿彌如來坐像」。當初安置於大佛殿內，但佛殿受到連續嘅天災摧毀，從而演變成今日嘅露天大佛。於昭和33年（1958年）被認證為國寶、一年四季都吸引好多觀光客前往參觀。

關於鎌倉大佛殿

作為高德院供奉嘅本尊，國寶銅造阿彌如來坐像（包括台座）高達約13.35米，重約121噸，尺寸僅次於日本最大佛像嘅奈良縣東大寺佛像。雖然造建者不詳，但將原原本本嘅樣貌保留咗落嚟。高德院為淨土宗嘅佛教寺院，開山（初代住持）不明。大佛後方穿過迴廊來到後方庭園，有一座「觀月堂」，堂内供奉一尊聖觀音像。

傳聞大佛於建長4年（1252年）建造。大佛有一對約1.9米長及肩的福耳為特徵。右邊嘅臉頰可以隱約睇到金色，證明起初被鋪滿一層金箔。另外大佛周圍殘留咗56個奠基石。背後有大門，可以進入大佛內參觀。由於內裡無燈火，建議盡量趁太陽仲未落山前往參觀。

初春有山茶花以及梅花，4月有櫻花，秋天有銀杏以及楓葉，可以飽覽四季應時嘅花朵。尤其喺春天嘅櫻花季最吸引國內國外觀光客前往參觀，人潮擠擁，為咗同大佛影張合照可能需要等一段時間添。以大佛右邊綻放嘅櫻花作為襯托影出嚟嘅相簡直係一幅美畫。秋天嘅時候，大佛背後嘅後光山紅葉景色亦非常優美。

從JR横須賀線「鎌倉」站出發，乘搭江之島電鐵（往藤澤方向）約5分鐘，抵達「長谷」站。

亦可以乘搭JR東海道線或小田急線，於「藤澤」站轉搭江之島電鐵（往鎌倉方向）約30分鐘抵達「長谷」站。再從「長谷」站向北徒歩約7分鐘抵達大佛殿。

從「鎌倉」乘搭巴士嘅方式，於「鎌倉站東口」巴士站1號乘車處乘搭江之島電鐵巴士，或於巴士站6號乘車處乘搭京濱急行巴士，約10分鐘抵達「大佛前」即抵達。