徹底介紹鎌倉・報國寺之特色！

位於鎌倉嘅報國寺以美麗竹林而聞名全國、擁有「竹庭之寺」嘅美譽。由室町幕府初代將軍嘅足利尊氏嘅祖父，足利家時所創建嘅臨濟宗嘅寺廟，每個星期日都會舉辦坐禪會，即使係初學者都可以參加（只有日文）。

關於報國寺

作為足利、上杉兩家嘅菩提寺，寺院廣闊，作為鎌倉五山嘅寺院一度繁榮。直到永享10年（1438年）嘅永享之亂被破壞，成為埋葬足利家嘅地方。本堂保留咗南北朝嘅釋迦如來坐像，觀音菩薩像。而且仲有日本首個獲得諾貝爾文學獎嘅川端康成執筆小説「山之音」嘅枱（均不公開）。

特色為整齊聳立，約1000枝高25米嘅孟宗竹林庭園。園内步道旁有石佛等，邊散步邊聆聽大自然嘅聲音。於竹林内茶屋「休耕庵」可以品嚐京都抹茶同落雁（即日本傳統乾菓子）套餐等（參觀費900円內包含）。另外，竹庭後山仲有以岩壁雕刻而成，足利家嘅横洞式墳墓。

寺院內可以觀賞四季應時綻放嘅花朵為特色。3月底至4月頭正堂石階兩側有盛開染井吉野櫻（日本櫻花）、11月底至12月頭鐘樓隔離嘅大銀杏樹等廣為人知。

報國寺於每個星期日朝早7點半至10時半會喺迦葉堂舉辦坐禪會。坐禪會歴史悠久，於昭和34年（1959年）開始舉辦，有專人悉心教導。參加費根據自己意願決定，唔使事先預約。即使係初學者都可以學習到坐禪嘅基本知識。寺廟有提供「袴」（日本和服其中一種）。僅限日文、如要參加請盡量避免穿著浮誇嘅服飾。

從JR「鎌倉」站乘搭「往鎌倉靈園正面前太刀洗・金澤八景/ハイランド方向」嘅「京濱急行巴士」約12分鐘、於「淨明寺」落車，徒歩約3分鐘抵達。

景點資訊