春有櫻花，梅雨季有繡球花，秋有紅葉，一年四季可以觀賞到繽紛嘅花卉，被譽為「花之御寺」。寺院佔地面積廣闊，坐立日本最大嘅木造彫佛以及良緣地蔵，洞窟以及散步道等，可以悠然散步。
關於長谷寺
傳聞由開山祖師「德道上人」於天平8年（736）奠定長谷寺基業。位於觀音山山腰，佔地廣闊，春夏秋冬到處綻放唔同嘅花朵，因而被稱為「花之御寺」。特別係6月嘅繡球花季，經蔵背後斜坡上嘅散步道種有40種以上，約2500朵繡球花，吸引大量觀光客前往參觀。另外，喺觀音山嘅半山腰開設嘅上境內設有展望台，可以俯瞰鎌倉街景，三浦半島，喺天氣晴朗嘅時候甚至可以眺望到伊豆半島。
長谷寺嘅特色
鎌倉長谷寺嘅特色為觀音堂內安置咗日本最大規模木造十一面觀音菩薩像。高約9.18米，右手持地藏菩薩嘅錫杖，左手持花樽，臉向著所有方向。另外，庭園內綻放四季應時嘅花朵，初春有梅花，蠟梅，春天有櫻花，梅雨季有繡球花，冬天有紫薇花（又稱「百日紅」）等。以觀音菩薩為主題嘅博物館「觀音博物館」內展出各種觀音菩薩及教誨，仲會播放影片作簡單解說（入館費用為300円、開放時間為09:00 - 16:00、作臨時休息）。
長谷寺嘅良緣地蔵
隱藏於長谷寺內嘅良緣地蔵。仁慈嘅表情，設置於境內3個地方。據聞全部搵得到，再影番張相嘅話就可以締結良緣。高約30厘米，細細個嘅迷你地蔵，非常得意可愛，散步時不妨望真啲腳底啦！
出發去長谷寺嘅交通方式
以下介紹3種交通方法前往。乘搭JR横須賀線，於「鎌倉」站轉搭江之電巴士約6分鐘抵達「長谷觀音」站，落車徒歩約5分鐘抵達；乘搭江之電鐵，於「長谷」站落車徒歩約5分鐘抵達；乘搭小田急線，於「藤沢」站落車、轉搭江之電鐵約30分鐘，於「長谷」駅落車徒歩約5分鐘抵達。
景點資訊
- 景點名稱：長谷寺
- 地址：神奈川県鎌倉市長谷 3-11-2
- 是否提供Wi-Fi：部分地區提供免費Wi-Fi
- 對應語言：中文、英文、韓文（網站）
- 票價：400円
- 開放時間：3至9月：08:00 - 17:00（17:30關閉）／10至2月：08:00 - 16:30（17:00關閉）
- 休息日：無
Comments