去鎌倉淨智寺從佛像了解宗教歷史

作為鎌倉五山之一嘅浄智寺，具有歷史來歷，散發莊嚴氣氛。以鎌倉唯一一個中國式鐘樓門以及茅草屋頂嘅樸素構造為特徵嘅書院，充滿特色。寺院被定為國家史跡，可以喺呢度慢步欣賞。

關於淨智寺

名列鎌倉五山第四位，為悼念北條時賴嘅三男宗政而喺弘安4年（1281年）創建。屬臨濟宗圓覺寺派，鼎盛期擁有七堂伽藍及11個塔頭，可見當時相當繁榮。

參道被杉木包圍，鎌倉石階令人感受到寺院嘅悠久歷史。總門前面嘅池水架起咗一條橋，另外仲有被譽為鎌倉十井之一嘅「甘露井」，水質清甜。三面環山連同寬闊山谷，都被定為國家歷史遺跡。昭和初期開始備受文人喜愛，電影導演小津安二郎、日本畫家小倉遊龜都曾經住喺呢度。

沿著鎌倉石參道抵達鐘樓門，係鎌倉罕有嘅附鐘樓嘅唐式建築。1樓為大門，設有花形窗嘅2樓懸掛著佛鐘。

內部深處名為曇華殿嘅佛殿內、安放咗本尊同木像三世佛坐像。亦有安放喺室町時代製成嘅，從左邊數起有阿彌陀如來、釋迦如來、彌勒如來。展示著過去、現在、未來。3個如來佛像嘅衣服下擺都長及台座，表現出鎌倉時代佛像嘅特色。

另外，寺院後面嘅洞窟內擺設咗鎌倉江之島七福神之一嘅布袋尊。傳聞只要摸佢嘅肚就可以祈求達到福得圓滿，提升運氣。

4月底至5月頭喺參道旁開花嘅鳶尾科白色蝴蝶花；12月底至1月底就有散發芳香嘅蠟梅等，都係花季必睇嘅花。