名列鎌倉五山第一位嘅建長寺

位於北鎌倉嘅建長寺名列鎌倉五山第一位，係日本最古老嘅禪宗寺廟。寺廟內有三門、佛殿、法堂等建築排成一直線，並以中式「伽藍」（即佛教寺院）嘅設計為特徴。今次小編就要為大家介紹建長寺嘅特色以及其附近嘅花季情報。

關於建長寺

臨濟宗建長寺派嘅主要寺廟，鎌倉五山嘅第一位寺院。創建之前係一個名為地獄谷嘅刑場。本來有一座祭奠靈魂嘅伽藍陀山心平寺，但已經被廢棄，淨低地藏堂。所以建長寺作為一座禪寺非常珍貴，供奉地藏菩薩為本尊。傳聞負責建立建長寺嘅蘭渓道隆將中國宋代嚴肅嘅禪風引入日本，並指導1000名以上嘅僧侶進行修行。

開創建長寺時，將三門、佛殿、法堂等建築排成一直線，寺院同僧堂、浴室同東司（即廁所）左右對稱嘅伽藍設計。但相繼發生嘅天災幾乎摧毀唒當時全部嘅建築物，現今嘅建築物多為近現代重建。直到今日，仍保留當時禪宗寺廟伽藍設計嘅氣氛，整個範圍被指定為國家名勝及史跡。

於安永4年（1775年）建立嘅三門非常大而壯觀。銅板製嘅二重門厚實，表現出禪之世界中無墻壁同門嘅樸素構造為特徵。上層安置咗五百座羅漢像等（非公開）。

另外，關東地區最大規模嘅法堂都係必去之處。現存法堂嘅寺廟當中，喺鎌倉淨係得建長寺被指定為國家重要文化財。堂内安放咗千手觀音菩薩像，天花板描繪咗豎約10米，橫12米嘅具壓迫感嘅雲龍圖。

另外，要行入寺廟入面半僧坊寺廟嘅路上，需要爬上250級樓梯。沿途擺放咗幾十個天狗像，登頂後可以俯瞰Yuigahama海灘（由比ガ浜）及富士山一帶嘅景色。

從總門至三門嘅參道沿途種有染井吉野櫻花樹，3月底至4月頭為觀賞時期。令建長寺平時嘅嚴肅氣氛搖身一變，變得華麗。行去半僧坊嘅途中都種有櫻花樹。夏天嘅蓮花、秋天嘅紅葉、晩秋嘅山茶花都好出名㗎！