將唐老鴨行李公仔掛喺行李箱上面真係實在太可愛啦～而且屁屁仲可以放護照等個人物品，fans們絕對要收！！！！
呼喚唐老鴨嘅fans！！唐老鴨嘅fans請注意！日本迪士尼商店推出咗以唐老鴨為主題嘅旅行系列周邊，商品款式除咗有收納包、頸枕同票卡夾之外，連行李箱同行李公仔都有，商品種類超齊全，直接幫你湊好一整組旅行用品，以後就等唐老鴨陪你一齊去旅行啦♡
出門一定會用手機影低各種打卡相，所以第一個要介紹嘅就係手機套啦！手機套以唐老鴨嘅代表色黃、白、藍為主色，磁扣部分仲印上唐老鴨個名「Donala Duck」，內有三個夾層可放票卡，適用嘅型號係iPhone 6～iPhone 8。
出遊當然唔少得尿袋（行動電源）啦。奉上同手機套同款嘅行動電源俾大家！電池容量為4000mAh，約可充手機兩次電。
喺呢次旅行系列周邊中，第二犯規嘅商品就係行李箱啦！以唐老鴨代表色為主色嘅外型超亮眼，尺寸係可以帶入飛機艙嘅手提行李箱大小。
金色拉鍊上刻有唐老鴨嘅名，採用鎖匙鎖；內部則以滿滿唐老鴨為花紋，有雙拉鍊封口袋同網口袋兩層。
而第一犯規嘅商品就係佢！！！唐老鴨行李公仔！！！
屁股有一個空間可以放護照同隨身物品，手上嘅安全帶（？）設計等你可以將佢掛喺行李拉桿上，由於另外設有背帶嘅關係，當成背包用都好OK！（夜晚仲可以攬住佢瞓呢～真係用途多多！XD）
搭飛機時無頸枕真係無覺好瞓T__T，所以即刻奉上唐老鴨頸枕俾大家～呢款頸枕係充氣頸枕，攜帶相當方便，唔會佔太多行李空間添，幾好！
旅行時所購入嘅交通票券或門票，就用呢款票卡夾嚟好好收納啦！內部空間相當大，有幾個夾層可以用，仲可以放筆添！
係！無錯！呢次嘅商品連衣物、小物收納包同化妝包都有！而且化妝包仲隨附小樽、小罐、鏡同梳，CP值真係好高呀！
另外仲有買一送二（？）嘅收納包，共有大、中、細三種尺寸嘅包包可以使用。
除咗本文介紹嘅商品之外，另外仲有相機收納包、雨傘、帽、包包等商品，由於種項眾多，就請容許小編無逐一介紹。本系列商品將於4月23號喺網路商店先行販售；實體店方面，官方表示「一到貨就會賣」。最後就貼心奉上迪士尼商店嘅官網連結（Click呢度）俾各位，有興趣嘅朋友們請Click入去睇更多啦！
Source: Disney Store
© 妞新聞 www.niusnews.com
Comments