宮崎縣必買手信推薦5選

嚟到宮崎縣旅行，不妨買銘菓、當地特產、傳統工藝等各式各樣嘅名產帶番香港做手信啦！宮崎縣氣候溫暖，適合孕育各種食材為呢度嘅特別之處。今次小編就從各種宮崎名產揀選出5樣推薦俾大家。

宮崎炭火燒地頭雞

「炭火燒地頭雞」使用宮崎地頭雞製成，係宮崎名產料理。係一道用炭火燒得香噴噴，以燻製烹調嘅下酒菜美食。

作為宮崎縣當地和菓子特產而聞名嘅「Karaimo團子（からいも団子）」，一直以嚟當地居民都好鐘意食。以舂好嘅年糕同蒸好嘅番薯搓揉而成嘅糰子上，撒上滿滿嘅黃豆粉。加埋黄豆粉自然甘甜味為特徵，男女老少都啱食。另外，紅豆味款式亦非常推薦。

「宮崎芒果貓舌餅」係一種散發濃濃芒果味嘅西式餅乾。薄而鬆脆嘅餅乾加上芒果醬，中間夾有芒果朱古力。1盒內有好多塊，適合帶返香港派俾人做手信！

「芝士饅頭」係一款外面以曲奇餅乾皮夾住忌廉芝士嘅燒和菓子。喺宮城縣內多達200間以上嘅店都有賣呢款宮崎銘菓。不過每間店嘅皮同忌廉芝士濃度都會有所不同，所以都可以買幾間嚟試，睇吓最鍾意食邊間！

「宮崎漆器」係宮崎嘅傳統工藝品。塗上鮮艷嘅紅色同黑色為特徵嘅漆器。使用九州產嘅木材，塗漆後加上裝飾製作而成。由於宮崎縣氣候溫暖，適合將漆烘乾，所以製成品會更完美。製成品多為日常用品例如係器皿等，可以將餐桌裝點得更加華麗。

於各種觀光景點嘅小賣店、宮崎車站、宮崎機場等都可以買到宮崎名產。其中，宮崎機場販售種類豐富嘅商品，喺回程嗰陣一次過買都好方便。不過要注意機場幾乎買唔到宮崎漆器，所以有興趣買嘅話都係推薦去宮崎市嘅「宮崎漆器工房」啦。