宮崎鳳凰喜凱亞度假村（Phoenix Seagaia Resort Japan），簡稱「喜凱亞（Seagaia）」，係面向太平洋嘅大型度假村。位於宮崎市，係市内首屈一指嘅人氣觀光景點。
喜凱亞有啲咩玩？
喜凱亞佔地廣闊，面積約700公頃。戶外活動、餐廳、購物、酒店、溫泉等設備完善。另外，喜凱亞附近有海灘、自然公園、神社、動物園等觀光景點，就算唔出去外面，都可以一次過玩得盡興。
喜凱亞有咩特色？
以下要為大家介紹入住喜凱亞可以體驗嘅各種活動。
喺喜凱亞可以參與嘅戶外活動
喜凱亞可以玩到高爾夫球、騎馬、網球、陶藝等活動。另外，喺廣闊嘅度假村範圍内設有周遊路線，推薦踩單車或者散步遊一遊。另外，夏天時仲可以喺鄰近喜凱亞嘅「青島海灘」享受潛水、衝浪同釣魚等水上活動。
喺喜凱亞餐廳享受美食
酒店內同高爾夫球場內都設有多間餐廳。可以享用名產「宮崎牛」嘅日式餐廳又有，其他就如壽司、BBQ、自助餐等餐廳都應有盡有。
位於喜凱亞度假村內嘅酒店
喜凱亞內有3間住宿設施。分別為代表喜凱亞且全部房間均為海景房嘅「Sheraton Grande Ocean Resort」、靠近海灘嘅「Luxze Hitotsuba」以及别墅風「Cottage HIMUKA」。
於喜凱亞SHOPPING盡情購物！
Sheraton Grande Ocean Resort同高爾夫球場內都有大型紀念品店販售各式各樣嘅當地特產。尤其以喜凱亞嘅原創零食同宮崎縣產嘅燒酎最受歡迎。
浸喜凱亞嘅溫泉、做吓SPA好好RELAX
Sheraton Grande Ocean Resort旁有「松泉宮」溫泉設施。位於被松林包圍嘅絕佳地理，可以喺幾個唔同嘅露天溫泉好好享受浸溫泉。
另外，喺39樓嘅「悅榕（Banyan Tree）SPA」可以享受泰式SPA療程。透過大片嘅落地玻璃窗，營造舒適嘅開放感，飽覽太平洋景色，可以喺呢度盡享放鬆而愜意嘅時光。
出發去喜凱亞嘅交通方式
從宮崎機場出發抵達嘅話，淨係得星期六日會運行直通巴士服務，約25分鐘即可抵達喜凱亞。平日出發嘅話，首先從宮崎機場嘅JR宮崎空港線約10分抵達宮崎站，再轉搭路線巴士，約25分鐘抵達喜凱亞。
景點資訊
- 景點名稱：宮崎鳳凰喜凱亞度假村（Phoenix Seagaia Resort Japan）
- 地址：宮崎縣宮崎市大字鹽路字濱山3083
- 交通方式：從JR宮崎站乘搭直通巴士約25分鐘（僅限星期六日）
- 是否提供Wi-Fi：酒店客房以及部分共用空間内提供
- 對應語言：英文
- 可使用信用卡：VISA, MasterCard, JCB, AMERICAN EXPRESS, Diners Club International, 銀聯（根據設施而定）
Comments