南國氣候嘅觀光地區

宮崎位於九州東南部，擁有南國氣候為特徵。平均氣溫最高、日照時間最長、晴天日數最多等日本全國氣候排行榜中都排得幾高。宮崎縣作為大自然豐富同食材豐饒嘅旅遊觀光地而大受歡迎。

宮崎知多啲？

宮崎大自然豐富，例如西部為九州山地及霧島連山等山岳地區。東部則係面向太平洋，有伸延約400公里嘅海岸線。另外，由於宮崎氣候宜人，係適合種植各種食物之地，盛產蔬菜、水果、和牛、海鮮等等，簡直係食材寶庫！

宮崎県內遍佈各種觀光景點。全縣分為北部、中部、南部、西部四個觀光地區。每個地區都有唔同特色。

北部有被指定為國家名勝嘅「高千穂峽」以及優美嘅谷灣式海岸「日向岬」等，處處山清水秀。

中部指宮崎市附近地區，例如有被稱為「鬼之洗濯板」嘅波状岩所包圍嘅「青島」等，聚集咗各式觀光景點。

西部多為山岳地區，有美麗嘅火山湖為特徵嘅「蝦野高原（えびの高原）」以及季節性遍地開花嘅「生駒高原」等，自然景點非常受歡迎。

去南部嘅話可以感受到南國風情，例如有並排聳立嘅7座摩艾石像「SUN MESSE日南」以及位於日南海岸最南端嘅「都井岬」等各種沿海觀光景點。

宮崎如南國般氣候宜人，係適合栽培水果、飼養牛雞嘅地方。喺呢度可以享用使用宮崎特産烹製嘅料理。大部分餐廳聚集於宮崎市内，其餘分佈喺北部嘅日向市，南部嘅日南市等沿岸地區。

宮崎牛係宮崎縣品牌和牛。肉質嫩滑，脂肪同紅肉有著絕妙嘅平衡。宮崎和牛料理有燒肉、肉扒、Shabu Shabu（涮涮鍋）等。

宮崎以芒果同日向夏（柑橘類水果）等南國水果聞名。芒果為「太陽蛋」嘅品種，味道甘甜。而日向夏則以酸甜爽口為特色。尤其以芒果曲奇同日向夏Madeleine法式蛋糕等西式甜品最受歡迎。

住宿設施聚集於宮崎市内宮崎車站附近或青島附近。從酒店、旅館、小型民宿、Guesthouse等類型應有盡有。此外，沿海岸亦建有住宿設施，特別以可以一覽太平洋景色嘅海景房最受歡迎。

宮崎觀光景點聚集於宮崎市內。想要去位於宮崎市中心嘅宮崎車站的話，從宮崎機場搭JR宮崎空港線約10分鐘就到㗎喇。再從宮崎車站搭地區電車或巴士，都可以去到各個觀光景點。