橫濱動物園Zoorasia: 日本最大嘅動物園

橫濱動物園Zoorasia係日本最大嘅動物園。根據各種動物棲息地嘅氣候，地域分別展示，可以喺呢度睇到稀有動物。另外，仲會舉辦「NIGHT ZOORASIA」等活動。

關於橫濱動物園Zoorasia

橫濱動物園Zoorasia於1999年開園。於約45.3公頃嘅園内，分為8個展示區。分別為亞洲熱帶林區、亞寒帶之森區、大洋洲草原區、亞洲中部高原區、日本山里區、亞馬遜密林區、非洲熱帶雨林區、非洲大草原區。全部展示區合計飼育約100種720隻動物。（截止2019年3月尾資訊）。

橫濱動物園Zoorasia嘅特色為，動物分別棲息喺8個唔同嘅展區。重現動物生態環境，真實呈現動物習性同行動。另外，仲設有園内巴士同捷徑路線可以自由揀選。

於展示區內特別值得關注嘅大洋洲草原區、非洲熱帶雨林區及非洲大草原區。喺大洋洲草原區可以睇到「古氏樹袋鼠」，喺非洲熱帶雨林區則有「㺢㹢狓」等等稀有動物。另外，非洲大草原區內有肉食動物同草食動物喺同一區域棲息。草食動物有長頸鹿、斑馬等等。肉食動物則有獵豹，呈現出本來嘅野生動態，係非常罕見嘅光景。

橫濱動物園Zoorasia每年8月嘅星期六及星期日都會舉辦「NIGHT ZOORASIA」嘅公開活動。呢個時間難得地睇到夜行動物嘅生態或者其他動物瞓覺嘅樣。另外，NIGHT ZOORASIA舉辦嘅同時仲會有夜市、啤酒花園，仲會有點燈活動。

橫濱動物園Zoorasia內有兩間餐廳。一間位於大洋洲草原，名叫「AUSSIEHILL GRILL RESTAURANT（オージーヒルグリルレストラン）」，另一間位於非洲大草原內,名叫「SAVANNA TERRACE（サバンナテラス）」。

AUSSIEHILL GRILL RESTAURANT提供拉麵、咖喱、漢堡肉等等。而SAVANNA TERRACE則可以享用非洲料理。另外，仲有可以食到FRESHNESS BURGERr，Baskin-Robbins 31 Ice Cream（31雪糕）等店鋪可以享用輕食及甜品。

可於JR横濱線・横濱市營地下鐵「中山」站南口乘搭巴士抵達橫濱動物園Zoorasia。所需時間為大約15分鐘，車費為220円。（截止2019年4月資訊）

景點名稱：橫濱動物園Zoorasia
地址：神奈川縣横濱市旭區上白根町1175-1
交通方式：於相鐵線「鶴之峰」站北口、相鐵線「三境」站北口或JR横濱線・横濱市營地下鐵「中山」站南口落車，乘搭「往橫濱動物園Zoorasia方向」嘅巴士約15分鐘即可抵達。
是否提供Wi-Fi：不支援
對應語言：英文，中文，韓文
購票方式：於售票處，便利店
可否使用信用卡：不可以