美景，溫泉同購物統統都可以滿足到你！神奈川縣推薦酒店

神奈川縣有橫濱、鎌倉、箱根、湯河原等各式各樣嘅名勝景點同酒店。可以嚟呢度欣賞美景、浸溫泉、購物同喺街道散步等等為魅力。今次小編就要為大家介紹位於神奈川縣名勝附近嘅酒店。

方便前往横濱名勝観光嘅酒店

横濱係日本最早對外開放嘅港口之一。所以，中西文化合璧嘅觀光景點多姿多彩。以下文章要為大家介紹一系列具橫濱代表性嘅酒店。

「橫濱洲際大酒店」以帆船造型而廣為人知，為橫濱地標之一。面向海景嘅客房可以眺望大海同橫濱海灣大橋、而面向街景嘅客房則可以睇到橫濱摩天輪同橫濱紅磚倉庫嘅景色。

酒店內設有日本料理，中式料理，法國料理，意大利料理等6間餐廳。可以一嚐以嚴選食材同卓越刀法所製成嘅各道料理。亦設置咗可以一覽美景嘅貴賓室同酒吧。另外，推薦乘搭酒店私人觀光客船遊覽橫濱港未來21。

景點資訊

可以飽覽相模灣景色嘅湘南地區，係廣受到日本國內同外國觀光客歡迎嘅人氣觀光景點。其中大磯町為日本第一座海水浴場度假勝地。以下將為大家介紹大磯町嘅推薦酒店。

「大磯王子大酒店」面積廣闊，位於可以一覽相模灣嘅好地段，係一間悠閒設施完善嘅度假酒店。多種房間類型可以選擇，可以飽覽海景，群山或街景嘅客房都有。

THERMAL SPA S.WAVE為大磯王子大酒店嘅一大魅力。設有無邊際泳池，溫泉、桑拿等設施都有。日頭可以眺望海景，夜晚則可以喺點咗燈嘅露天放鬆。呢個俾人Relax到嘅環境真係至少留3日啦！

景點資訊

湯河原係一個深受多位文豪愛戴而聞名嘅溫泉鄉。被自然豐富環繞嘅湯河原，除咗溫泉仲有好多好行好玩嘅地方。以下將為大家介紹位於湯河原內嘅酒店。

「若松湯河原石亭旅館」係近年獲得米芝蓮一星嘅北海道老舗割烹旅館嘅姐妹館。旅館活用當地食材烹製高級日式料理，客人可以喺客房內享用餐點。

全部客房都係日式傳統榻榻米和室，體驗日本嘅傳統文化。不過如果唔適應嘅話，亦設有附設床嘅客房。特別推薦浸名為薬師嘅溫泉，可以令肌膚光滑柔嫩。可以悠閒浸泡於附設嘅室內及露天風呂，喺若松湯河原石亭旅館絕對可以度過一個美好且優雅時刻。

景點資訊