鎌倉推薦酒店

於遊客絡繹不絕嘅鎌倉參觀完歷史建築物及大佛後，有好幾間酒店可以俾你繼續沉浸喺假日氣氛嘅餘韻當中。另外，喺商店街仲有多間餐廳同店鋪可以俾你買到當地特產。今次小編就要推薦大家呢一系列可以眺望優美風景，方便去四周圍觀光嘅酒店。

可以盡情享受鎌倉嘅酒店系列

鎌倉嘅名勝景點分佈喺唔同地區，酒店亦然。其中好多都可以欣賞到海景。鎌倉站附近仲有一啲具有歷史性嘅酒店，仲用過嚟作為電影拍攝背景添。以大船站作起點，分3個方向嘅觀光路線都唔錯㗎。

「鎌倉PRINCE HOTEL」係可以一望相模灣景色嘅酒店。全部客房都有無敵大海景。透過玻璃窗可以觀賞到一望無際嘅海闊天空。日頭係耀眼嘅碧藍大海，夕陽西下時，從暗紅色到披上一層深藍色嘅一片美景絕對可以令你嘅鎌倉觀光之旅留下印象深刻嘅美好回憶。

喺可以邊眺望大海邊用餐嘅餐廳中，可以品嚐採用當地及當造食材所製作嘅法國料理，大受好評。此外，酒店內亦有日式餐廳。此外，高爾夫球場及室外泳池等等嘅設施皆完備。空間中瀰漫著大海氣味，一於嚟呢度度過一個悠閒嘅午後時光。

酒店資訊

酒店名稱：鎌倉PRINCE HOTEL
地址：鎌倉市七里濱東1-2-18
交通方式：
（1）從江之電七里濱站徒歩8分鐘
（2）於江之電七里濱站乘搭循環巴士(收費)約2分鐘、於潮騒通落車徒歩1分鐘
（3）於JR鎌倉站乘搭的士約15分鐘
（4）於JR藤澤站乘搭的士約20分鐘

「相鐵FRESA INN 鎌倉大船」靠近大船站，係一間利便性高嘅酒店。因此，非常適合作為觀光鎌倉以及湘南觀光景點嘅落腳點。靠近繁華商店街，方便去行街飲食。客房提供寬140厘米嘅蓆夢思(Simmons)寢具，住得舒適。

位於6至10樓西邊嘅客房可以眺望大船嘅地標「大船觀音」，非常推薦。1樓櫃檯仲擺放咗擦身用海綿，入浴劑、浴鹽等等可以自由揀選。

景點資訊

「Hotel New Kamakura」距離鎌倉站只係徒步1分鐘路程，位置優越。本館於1924年建成，係一棟建於大正時代嘅西洋風建築物，非常珍貴。同時，亦被指定為鎌倉市景觀重要建築物。本館嘅客房瀰漫一股懷舊氣氛，廁所及浴室皆為共用。

相反，新館為簡約設計風格，全部客房均設有獨立浴室及廁所。另外，新館內設置咗一間特別嘅茶室，天花板上有一把據說屬於明治天皇嘅紙傘（日文：唐傘からかさ）。用實惠嘅價格就可以下榻於具歴史性嘅建造物，非常值得一住！

景點資訊