冬季嘅箱根空氣潔淨清新，景色更顯美麗，化上雪妝嘅富士山更加係魅力十足。今次小編就要推薦大家喺冬季必訪嘅箱根觀光景點同必食美食。
冬季箱根好去處
冬季嘅箱根唔單止空氣清新，箱根海拔最高嘅仙石原、蘆之湖一帶亦經常積滿白雪。被雪景包圍嘅箱根，比平時嘅自然風景更顯美麗。秋天被映照成淡淡金黃色嘅仙石原芒草原，都係非常值得一睇嘅景色！
冬季箱根之旅推薦行程
於冬季參拜箱根神社！感受神聖氣氛
箱根神社創建於757年，係一間歷史悠久，祈求開運嘅神社，被叢林包圍嘅紅色鳥居以同神殿嘅景色都好靚。積咗雪嘅箱根神社更顯美麗，散發一股更神聖嘅氣氛。
景點資訊
- 景點名稱： 箱根神社
- 地址：神奈川縣足柄下郡箱根町元箱根80-1
- 交通方式： 從箱根湯本站乘搭巴士約40分鐘，至元箱根站落車徒歩10分鐘即抵達
- 參拜費用：免費 寶物殿收費為：中學生或以上500円、小學生300円
從空中眺望冬季箱根特有景色！白雪冠頂大涌谷
從箱根纜車上，可以俯瞰到常綠樹木或秋天染紅嘅叢林。於海拔高嘅大涌谷附近，積雪配合以往火山噴發口緩緩上升嘅蒸氣同硫磺煙，形成一幅夢幻嘅風景，乘搭箱根空中纜車絕對可以令大家充分享受冬季嘅箱根。
景點資訊
- 景點名稱： 箱根空中纜車
- 地址：神奈縣県足柄下郡箱根町強羅1300（早雲山站）
- 交通方式：從箱根湯本站乘搭往湖尻方向嘅伊豆箱根巴士約25分鐘，至早雲山站入口落車；或於小田原站乘搭箱根登山電車・空中纜車約70分鐘抵達
冬季箱根例行盛事「蘆之湖冬景色煙花大會」
蘆之湖每年都會舉辦嘅「蘆之湖冬景色煙花大會」係冬季箱根獨有嘅節日活動，於湖畔上綻放嘅煙花將夜間嘅蘆之湖點綴得更加絢麗奪目。例如2018年12月～2019年2月期間，就喺聖誕節，元旦，箱根神社節分祭前一晚，一共舉辦咗4次。冬季到訪箱根嘅話，一定要嚟參加呢個盛大嘅活動！
冬季箱根雪景Café及餐廳
於箱根，冬季一定要享受嘅當然就係溫泉足湯啦！足湯雖然只係浸腳，但都可以溫暖全身，而可以一邊享受足湯一邊品嚐甜品及飲品嘅Café同餐廳，都係大家冬季時到訪箱根必去好去處。一邊食住以當季食材製成嘅料理，由窗外白雪雪嘅雪景再添幾分情調，絕對可以令你度過一段難忘嘅時光。
冬天必訪！溫暖身心嘅溫泉酒店
於冬季到訪箱根，一定要體驗嘅當然仲係可以溫暖身心嘅溫泉。特別係喺露天溫泉可以悠閒度過輕鬆愉快嘅時光，清涼舒爽嘅空氣吹埋嚟配合溫泉簡直係最佳配搭。而且，積雪後仲可以喺溫暖嘅溫泉水內眺望美麗嘅雪景。呢種露天溫泉喺日文叫做「雪見露天風呂」（ゆきみろてんぶろ）。喺冬天到訪箱根旅行、推薦下榻喺附有露天溫泉嘅酒店。
從機場抵達箱根嘅交通方式
機場之中成田機場及羽田機場最接近箱根。從成田機場乘搭電車經東京站，再轉車到小田原站。之後再轉車搭箱根登山鐵道即可抵達箱根湯本站。從羽田機場出發嘅話，最方便就係搭途經橫濱再嘅高速巴士。
景點資訊
- 景點名稱：箱根湯本站
- 地址：神奈川縣足柄下郡箱根町湯本白石下707-1
- 交通方式：
- 從成田機場乘搭JR電車到東京站約1個鐘，轉車搭新幹線抵達小田原站約35分鐘，再轉車搭箱根登山鐵道約17分鐘至箱根湯本站落車即抵達
- 從羽田機場搭高速巴士・箱根湯本AIR LINER約45分鐘，至箱根湯本站落車即抵達
- 從橫濱站搭高速巴士・箱根湯本AIR LINER約90分鐘，至箱根湯本站落車即抵達
Comments