箱根係著名溫泉度假勝地，分為五個區域，每個區域都有老舖溫泉旅館同度假酒店等各式各樣嘅住宿設施。本文將為大家介紹精選嘅箱根酒店。
箱根湯本・塔之澤地區
箱根湯本係箱根地區最古老嘅溫泉地，係箱根酒店同旅館最多嘅地方，亦係箱根嘅玄關。
距離車站只係3分鐘步行距離嘅「湯本富士屋酒店」
「湯本富士屋酒店」擁有絕佳嘅地理位置，從箱根湯本車站行過去只係需要3分鐘。周圍風光明媚、綠意盎然。可以喺酒店內嘅露天溫泉浴池好好放鬆身心。
客房多元化，單人房、套房、和室都有。酒店內有休閒室，同各式各樣嘅餐廳，例如日式、法式、中式都有，吸引好多人專程去用餐。
酒店資訊
- 名稱：湯本富士屋酒店 (湯本富士屋ホテル)
- 地址：〒250-0392 神奈川縣足柄下郡箱根町湯本256-1
- 交通方式：
- 從東京站出發：乘搭新幹線約35分鐘，於小田原站轉乘箱根登山鐵道，車程約15分鐘，於箱根湯本站落車後步行3分鐘。
- 從新宿站出發：小田急浪漫特快列車Romance car約85分鐘，於箱根湯本站落車後步行3分鐘。
- Wi-Fi：有
- 語言：日文、英文
- 可否使用信用卡：可
宮之下・小涌谷地區
作為度假區開發嘅宮之下・小涌谷地區，有好多復古氣氛嘅旅館。呢度係一個自然環境豐富、適合散步嘅地區。
強羅地區
強羅地區有箱根登山鐵路嘅總站－強羅車站，係前往每個地區嘅重要交通入口。此外，呢度有五種唔同泉質嘅溫泉，係強羅地區嘅特徵之一。
仙石原地區
擁有豐富大自然風景嘅仙石原，有多間美術館同Café。亦有作為背景出現喺經典動漫作品《新世紀福音戰士》中。
可以一邊浸溫泉一邊欣賞富士山嘅「箱根綠色廣場酒店」
「箱根綠色廣場酒店」鄰近有美術館同好多旅遊景點。露天溫泉浴池可以欣賞到富士山美景。客房共有10種類型，包括附帶露天浴池嘅客房，以及可觀賞富士山美景嘅和室。
喺人氣嘅開放式廚房餐廳內用餐，可以品嚐到主廚現場下廚、大約50種菜餚。推薦自助式早餐嘅法式多士啊。
酒店資訊
- 名稱：箱根綠色廣場酒店 (ホテルグリーンプラザ箱根)
- 地址：〒250-0631 神奈川縣足柄下郡箱根町仙石原1244-2
- 交通方式：
- 從新宿站出發：乘搭小田急高速巴士約2小時，於溫泉莊巴士站落車，乘搭酒店接駁巴士約5分鐘。
- 從東京站出發：乘搭小田急高速巴士約2小時，於皇宮酒店箱根前（パレスホテル箱根前）巴士站落車，乘搭酒店接駁巴士約7分鐘。
- 從箱根湯本站乘搭伊豆箱根巴士約40分鐘，於姥子巴士站落車後，步行5分鐘。
- 從箱根湯本站乘搭箱根登山巴士約35分鐘，於溫泉莊巴士站落車，乘搭酒店接駁巴士約5分鐘。
- Wi-Fi：有
- 語言：英文、中文
- 可否使用信用卡：可
蘆之湖・蘆之湯地區
去到蘆之湖附近則可以欣賞富士山同蘆之湖美景，係一個充滿度假氣息嘅地方。另外推薦湖畔嘅休閒活動。
位於蘆之湖湖畔嘅「箱根酒店」
「箱根酒店」係一間坐落於蘆之湖畔嘅度假酒店。特別推薦可以正面欣賞湖泊同富士山景色嘅客房。日頭可以眺望波光粼粼嘅湖面，傍晚可以欣賞夕陽。
酒店內嘅法國料理餐廳以圓拱型嘅天花板帶出時尚品味之感，令人彷彿置身於歐洲。一邊品嚐美味正宗嘅法國料理，一邊眺望富士山同蘆之湖美景，氣氛優雅。
酒店資訊
- 名稱：箱根酒店 (箱根ホテル)
- 地址：〒250-0521 神奈川縣足柄下郡箱根町箱根65
- 交通方式：
- 從東京站出發，約85分鐘：小田原站東口乘搭箱根登山巴士至箱根町，車程約50分鐘，於「箱根酒店前」巴士站落車。
- 從東京站出發，約95分鐘：乘搭新幹線KODAMA號約35分鐘到小田原站，再乘搭箱根登山鐵道約15分鐘到箱根湯本站，再轉乘箱根登山巴士（往箱根町港方向）約35分鐘於「箱根酒店前」巴士站落車。
- 從東京站出發，約120分鐘：乘搭小田急浪漫特快列車Romancecar約85分鐘，於箱根湯本站落車，再轉乘箱根登山巴士(往箱根町港方向)約35分鐘於「箱根酒店前」巴士站落車。
- Wi-Fi：有
- 語言：英文
- 可否使用信用卡：可
離天空最近嘅露天溫泉！令人心曠神怡嘅「箱根湯之花王子大酒店」
「箱根湯之花王子大酒店」係一間日式風格嘅酒店，擁有箱根距離天空最近嘅溫泉露天浴池。夜晚可以一邊浸溫泉，一邊欣賞星空。
客房係融合咗現代氛圍嘅和室。望向窗外可以欣賞四季景色。喺酒店嘅餐廳，可以一邊欣賞日式花園一邊享用日本料理。呢度係一間可以體驗日式服務業精神「おもてなし（款待）」嘅酒店。
酒店資訊
- 名稱：箱根湯之花王子大酒店 (箱根湯の花プリンスホテル)
- 地址：〒250-0523 神奈川縣足柄下郡箱根町蘆之湯93
- 交通方式：
- 從小田原站出發，乘搭的士約40分鐘
- 從小田原站出發，乘搭前往元箱根嘅當地巴士約45分鐘，於「蘆之湯」巴士站落車後，步行22分鐘或乘搭酒店免費接駁車（需提前預訂）。
- 從箱根湯本站出發，乘搭的士約25分鐘
- 從箱根湯本站出發，乘搭前往元箱根嘅當地巴士約45分鐘，於「蘆之湯」巴士站落車後，步行22分鐘或乘搭酒店免費接駁車（需提前預訂）。
- Wi-Fi：有
- 語言：英文、中文
- 可否使用信用卡：可
Comments