秋天嘅箱根被絢麗奪目嘅紅葉裝飾、綠油油嘅草原亦染上一層金黃色，係眾多觀光客到訪嘅季節。為咗令大家可以喺秋天盡情遊箱根，今次小編就要為大家分享花卉同草原嘅轉色時期、看點等。
秋天箱根嘅看點
秋天嚟箱根玩，最重要嘅當然係揀啱可以觀賞紅葉嘅地區啦！由於紅葉從山頂至海拔低嘅地方逐漸轉紅，仙石原及蘆之湖於10月底～11月頭左右為最佳觀賞期。強羅及宮之下・小涌谷則係於11月頭～11月中左右時期為佳。海拔較低嘅箱根湯本・塔之澤則係直至11月中～12月頭都可以觀賞。而秋天轉為金色嘅草原從9月底～11月中為觀賞時期。
秋天箱根觀賞紅葉嘅推薦景點
從湖畔「蘆之湖」觀賞秋天箱根及富士山景色！
可以乘搭遊覽船或艇仔觀賞蘆之湖附近群山嘅紅葉。從湖畔觀賞紅葉同富士山，照射於水面嘅陽光令湖水更顯絢麗清澈。
從上空觀賞秋天箱根
從箱根空中纜車，可以眺望滿山紅葉嘅美景。經過大涌谷上空，啡紅色山頭配上3000年前噴火後直到現今仍持續噴煙嘅景色呈現於眼前。前後兩者都係箱根獨有嘅壯麗景色。
被紅葉包圍嘅「長安寺」
被自然環繞，具有歷史嘅長安寺，係觀賞紅葉嘅名勝地區。呢度擺設咗釋迦牟尼嘅弟子同五百羅漢嘅石像。寺廟同紅葉相輔相成，營造一股神秘嘅魅力。
景點資訊
- 景點名稱：長安寺
- 地址：神奈川縣足柄下郡箱根町仙石原82
- 交通方式：從箱根湯本站乘搭箱根登山巴士約24分鐘，於仙石巴士站（仙石バス停）落車即抵達
於秋天箱根逐漸由銀轉淡金色嘅芒草仙石原
從春至夏由一片綠油油轉銀色再轉淡金色嘅仙石原芒草原。藍天白雲配上背景嘅常綠樹，芒草隨風搖擺，形成一幅非常優美嘅景色。絕對值得大家到此一遊影相留念。
於餐廳充分享受箱根之秋
想充分享受秋天嘅箱根，推薦前往使用當造食材製作嘅料理，提供露天茶座嘅餐廳同Café用餐就最好不過喇。露天茶座可以喺秋天植物芳香下欣賞到逐漸轉色嘅樹葉。身體五感都可以充分享受箱根之秋為一大魅力。
適合秋天下榻嘅箱根溫泉旅館系列
箱根自然環境豐富，除咗係賞楓嘅人氣觀光景點，於被自然環繞嘅酒店或擁有美麗庭園嘅旅館內下榻，就已經可以感受秋天嘅浪漫氣氛。另外，可以一邊賞楓，一邊浸泡於露天溫泉，讓人身心舒暢。同時，仲可以享受當造食材製成嘅料理，推薦下榻於可以有如此奢侈體驗嘅酒店或旅館。
從機場出發去箱根嘅交通方式
成田機場
成田機場係日本國內最多國際線航行嘅國際機場。想前往箱根湯本，由東京出發前往小田原站、再轉乘箱根登山鐵道。從成田途經新宿出發前往箱根湯本都可以抵達目的地。
羽田空港
從擁有多條國內線嘅羽田機場乘搭高速巴士，唔洗轉車即可直達。從横濱出發横途經小田原站，轉乘箱根登山鐵道都可以抵達目的地。
景點資訊
- 景點名稱：箱根湯本站
- 地址：神奈川縣足柄下郡箱根町湯本白石下707-1
- 交通方式：
- 從成田機場出發乘搭JR電車至東京站約1個鐘，乘搭新幹線前往小田原站約35分鐘，再轉乘箱根登山鐵道約17分鐘，於箱根湯本站落車即抵達
- 從羽田空港出發乘搭高速巴士「箱根湯本AIR LINER」約45分鐘抵達
- 從横濱站出發乘搭高速巴士「箱根湯本AIR LINER」約90分鐘，於箱根湯本站落車即抵達
Comments