橫濱必去手信購物好地方3大精選推介

SHOPPING購物、街頭觀光景點散策，同時享受人氣購物區中買到嘅橫濱特產景點精選。

關於橫濱SHOPPING購物指南

橫濱熱門必去購物熱點「港未來」。横濱地標塔（ランドマークタワー）、紅磚（赤レンガ）倉庫、横浜元町商店街等等，為你盡訴精選SHOPPING購物好地方！

紅磚倉庫（赤レンガ）

紅磚倉庫（赤レンガ）擁有百年以上歷史，1911年作為以作為橫濱物流倉庫中心而建。直到2002年，這裡已經發展成集購物、美食活動於一身嘅觀光熱點。紅磚倉庫（赤レンガ）有1號、2號館合共有約60間店舖。 真心推薦去DEPOT（デポ）入手買特產。（買手信買手信！）
所有橫濱手信包括限定版商品，幾乎都可以喺「デポ」（DEPOT）搵到。除咗必買手信系列，仲有紅磚倉庫（赤レンガ）造型蜂蜜蛋糕、重1.5KG紅磚（赤レンガ）倉庫造型朱古力等特色手信。

景點資訊

• 名稱：紅磚倉庫（赤レンガ）
• 地址：〒231-0001 神奈川県横浜市中区新港1-1
• 交通方式：港未來（みなとみらい）線「日本大通り駅」徒歩約6分鐘
• Wi-Fi支援：有
• 信用卡服務：VISA, MasterCard, JCB, AMERICAN EXPRESS, Diners Club International, 銀聯（按店舗會有所不同）

横濱元町商店街

横濱元町商店街，19世紀中為外國人集中地而成嘅商店街。商店街約長600米，有服飾、陶器、生活雜貨、畫廊各式各樣嘅商店林立，美食景點像咖啡店、麵包店一樣都不缺少。去行一圈或者會有意想不到嘅獨特商品大發現，去尋寶啦!

景點資訊

• 景點名稱：横濱元町商店街
• 地址：〒231-0861 神奈川県横浜市中区元町
• 交通方式：港未來(みなとみらい)線「元町・中華街站」
• Wi-Fi支援：有
• 對應語言： 中, 英
• 信用卡服務：VISA, MasterCard, JCB, AMERICAN EXPRESS, Diners Club International, 銀聯（按店舗會有所不同）

横濱Landmark Plaza

講到横濱Landmark Plaza，一定唔少得横濱必訪「橫濱地標塔 」（横浜ランドマークタワー）。「橫濱地標塔 」附設嘅購物中心有成150間以上嘅店舗。記得去一嘉横濱5階嘅「ヨコハマメモリーズ」(Yokohamamemories)去揀手信啦。除咗必買嘅日式和菒子點心之外，中華街人氣美食店、神奈川縣、湘南同鐮倉限定商品都一應俱全。

另外，去Landmark Plaza，一定要去一去橫濱地標塔 空中花園展望台。俯瞰飽覽堅離地273米高嘅美景，天氣仲可以望到富士山吖。

景點資訊

• 景點名稱：横濱Landmark Plaza
• 地址：〒220-0012 神奈川県横浜市西区みなとみらい2-2-1
• 交通方式：港未來線（みなとみらい線）嘅「港未來站」（みなとみらい駅）徒歩約3分鐘
• Wi-Fi支援：有
• 對應語言： 中文, 英文, 韓文
• 信用卡服務：VISA, MasterCard, JCB, AMERICAN EXPRESS, Diners Club International, 銀聯（按店舗會有所不同）