橫濱美術館係一座建造於橫濱港未來21嘅人氣觀光景點。從海外知名畫家到與橫濱有淵源嘅日本作家嘅作品都有，展出各式各樣唔同範疇嘅藝術品。
關於橫濱美術館
於1989年開館嘅橫濱美術館，係一間日本國內為數有咁大規模嘅美術館。設立於國際未來都市嘅橫濱港內、喺呢度可以一覽橫濱港開港以來嘅近代、現代美術透過各式各樣嘅展覽會呈現出來。
順便一提，橫濱美術館主要分為3個專區展出作品。第一個係以收藏品為主題展出嘅「收藏品展」、第二個係從日本國內外嘅美術館及收藏家借用珍貴嘅作品「企劃展」、第三個係專為日本國內外嘅新進藝術家而設嘅專區「New Artist Picks」
橫濱美術館嘅特色
外觀優美嘅橫濱美術館內，都有各種魅力，例如開放感十足嘅華麗畫廊、7大展廳、超過11萬冊藏書、提供美術資料嘅情報中心，Café，美術館紀念品店等等。
美術館收藏品數量龐大
收藏品展內，每次都會因應主題，從本地及世界各地嘅1萬2千件收藏品中，嚴選200至300件作品展出。來自達利，塞尚、畢加索等海外知名畫家嘅作品，到同橫濱有淵源嘅日本作家嘅作品，應有盡有。藝術品唔只橫跨年代，仲無分國界添。
同時，相片嘅收藏品都非常充實。同興盛時期嘅長崎一樣，自開通港口，攝影越來越普及至全國。
外觀美麗的美術館
橫濱美術館嘅建築特點係左右對稱嘅石砌外形，氣勢雄偉。為日本具代表性嘅建築家丹下健三所設計。正門入口左右嘅180米柱廊，營造出開放嘅空間。
Café 小倉山
參觀完美術館，可以喺有廣場景觀嘅Café 小倉山休息吓。呢度提供飲品同輕食等，仲會同企画展合作推出特別餐單，都係一大魅力。
從櫻木町站出發去横濱美術館嘅交通方式
從JR・横濱市營地鐵嘅「櫻木町站」徒歩或乘搭巴士可以直接去到橫濱美術館。行路嘅話，可以使用車站附近前往LANDMARK PLAZA嘅行人路、穿過LANDMARK PLAZA後再行10分鐘就到橫濱美術館。搭巴士嘅話，乘搭市營巴士大約3分鐘就可以抵達「橫濱美術館」站。最近嘅車站為港未來線嘅「港未來站」。從3號出口穿過隔離嘅購物中心「MARK IS港未來」，行多約3分鐘就可到達。
景點資訊
- 景點名稱：橫濱美術館
- 地址：220-0012 神奈川縣橫濱市西區港未來3-4-1
- 交通方式：從JR櫻木町站徒歩約10分鐘或乘搭市營巴士約3分鐘，或乘搭港未來線「港未來站」徒歩約3分鐘抵達
- 是否提供Wi-Fi：有
- 對應語言：英文、中文（簡體）、韓文
- 購票方式：美術館售票處、官網、便利店
- 可否使用信用卡：VISA、MasterCard、銀聯（美術館售票處）
Comments