箱根登山鐵道係連接箱根主要觀光地區嘅山區電車，從箱根山腳「小田原站」，經由箱根玄關口「箱根湯本站」，最後抵達著名溫泉名勝「強羅」，全程大約1個小時。
關於箱根登山鐵道
箱根登山鐵道於鐵路電車維護上做得十分出色，大大方便遊客遊覽箱根觀光地區。於首屈一指斜坡上行駛嘅電車，可謂早已成為箱根之旅一大地標！
另外，每年6月沿線皆會有大約1萬株繡球花綻放，所以亦被稱為「繡球花電車」。
箱根登山鐵道必睇特色
箱根登山鐵道唔單只作為交通工具將箱根主要區域連接，電車本身以及沿路周圍景色都係值得前往觀光嘅一部分。
四季更迭綻放花卉與景色
箱根登山鐵道沿線一年四季景色皆有不同風貌。春天櫻花、初夏繡球花、秋天楓紅、冬天雪景…無論係邊個季節到訪，都保證可以欣賞到最時令嘅靚景！另外，紅色基調嘅電車車身亦與花花草草映襯出強烈對比，當列車於森林行駛時，就係最佳影相打卡時刻！一於嚟呢度瘋狂靚相，post上IG同大家開心share啦！
早川橋梁
連接「塔之澤站」與「大平台站」之間嘅「早川橋樑」，係20世紀初建而並保存至今、日本最古老嘅鐵道橋。正值紅葉季時，早川橋樑更係大批影相發燒友慕名而來嘅影相勝地，行駛電車與連綿山頂嘅繽紛美景，簡直係菲林殺手！
折返式路線（之字型路線／Switch back）
「折返式路線」即係指為咗喺陡峭嘅坡度前進，因二改變列車前進方向嘅運行方式。箱根登山鐵道一共會喺3個地點進行折返爬升，其中之一嘅地點「上大平台信號場」內，遊客您可以飽覽到由相模灣、房總半島、箱根街景交織而成嘅絕佳風景，因此成為當地一大超人氣觀光景點。
箱根登山鐵道費用及所需時間
想乘搭箱根登山鐵道，建議購買「箱根登山電車・箱根登山纜車1日車票 (TOKO-TOKO車票)」。1日票可以讓您喺指定車站範圍內自由上落車，充分享受箱根登山電車鐵道觀光之旅。費用為1,570円（截至2021年4月）。從起點小田原站到終點強羅站，全程約需1個小時。
如何從東京出發前往箱根登山鐵道？
箱根登山鐵道總站為小田原站。從東京出發前往小田原站，可從東京站乘搭JR東海道約1小時20分鐘車程即抵達。
景點資訊
- 名稱：箱根登山鐵道（小田原站）
- 交通方式：從東京站乘搭JR東海道約1小時20分鐘
- 是否提供Wi-Fi：有，小田急免費Wi-Fi（※需要下載應用程式）
- 對應語言：英文，中文，韓文
- 可用信用卡：VISA, MasterCard, JCB, AMERICAN EXPRESS, Diners Club International, 銀聯（根據設施有所差異）
Comments