箱根溫泉係神奈川首屈一指嘅溫泉街，亦係全國知名嘅溫泉勝地。有約20種不同泉質嘅溫泉，溫泉旅舘數量多不勝數。距離東京只需約1個半鐘就可以到達嘅短距離亦係其魅力所在。
關於箱根溫泉
箱根源於箱根火山活動帶來嘅變化，其豐富地形湧出各種各樣嘅泉質溫泉。於廣闊嘅區域有多個溫泉街，主要分成4大區域。第一個區域「箱根湯本（こねゆも）、塔之澤地區」。位於箱根玄關口處，係箱根最古老嘅溫泉街所在區域。第二個係「蘆之湖周邊地區」。蘆之湖(あしのこ)可眺望富士山嘅絕景溫泉可謂豐富非常。第三個係「仙石原地區」。於高原度假村，可以盡情享受箱根雄偉嘅大自然景色和溫泉魅力。第4個係「宮之下·小涌谷·强羅區域」。有人氣受歡迎溫泉主題公園和遼闊嘅公園區域。
箱根溫泉推薦活動
箱根溫泉以乳白色為特徵嘅硫磺鹽泉，具有高保溫效果嘅鹽化物泉等約20種泉質。亦有足湯浸浸腳和即日來回溫泉等等體驗，嘗試唔同泉質嘅溫泉巡遊也很過癮吧。另外，每個區域都有寺社佛閣、美術館、湖泊、懷舊街道、自然公園等觀光景點，所以逗留期間唔單止係得溫泉，希望大家亦可以盡情享受觀光。
箱根溫泉推薦美食和餐廳
箱根溫泉自然物資・溫泉水極為豐富。用泉水製作嘅蕎麥麵・豆腐係箱根的名產美食之一不可錯過。推薦蕎麥料理有「はつ花（はつな）」、「曉庵（あつきあん）」、豆腐料理有「豆腐処萩野（うふどころはぎの）」、「箱根銀豆腐（ぎんどうふ）」等。另外，嚟得箱根溫泉，當然要一試「溫泉黑蛋」和丸島總店的「箱根溫泉小饅頭」啦。
箱根溫泉推薦酒店・旅館
箱根溫泉有很多酒店和旅舘可供選擇。有魅力非凡可眺望蘆之湖和富士山絕景，有可於房間中享受露天溫泉，亦有集溫泉風呂·料理於一身嘅豪華高級住宿旅舘等，種類繁多可以慢慢揀啦喂。另外，箱根溫泉超級大，記得加埋想去嘅景點嚟個難忘嘅箱根好觀光吖。
新宿車站--->箱根温泉路線
從東京都內去箱根溫泉嘅話，新宿站非常方便喔。係新宿站乘搭小田急電鐵「小田急浪漫特快」，直達箱根湯本站約1小時25分鐘。從箱根湯本站到各個區域，可以搭箱根登山巴士、電車、纜車等等。
景點資訊
- 名稱：箱根溫泉（箱根湯本駅）
- 地址：〒250-0311 神奈川県足柄下郡箱根町湯本白石下707-1
- 交通方式：JR新宿站 → 箱根温泉搭「小田急浪漫特快」直達箱根湯本站約1小時25分鐘
- Wi-Fi：有提供（Hakone Free Wi-Fi）
- 可使用語言：中,英, 韓（箱根湯本站徒歩1分鐘可到達箱根町總合觀光案内所）
- 可使用信用卡：VISA, MasterCard, JCB, AMERICAN EXPRESS
Comments