港未來係面向橫濱港嘅海灣地區嘅總稱。有多間綜合商場、遊樂場、美術館、博物館、SPA溫浴設施、自然公園等景點。此外，港未來亦獲選為日本嘅都市景觀100選之一。橫濱港、摩天大樓、歷史古蹟建築物等和諧並存嘅街景相當美麗，係令人感到舒適嘅空間。
橫濱港未來必訪景點
造訪港未來地區，唔單止好行、多嘢買、亦好好玩，更有美麗嘅景觀可以欣賞。今次小編要推薦大家幾個精選必訪景點。
橫濱紅磚倉庫等購物好去處
橫濱紅磚倉庫建於20世紀初期，而家係綜合購物商場。喺呢度可以買到零食或T恤等橫濱特色紀念品，仲有可以買到食品模型或日用雜貨嘅商店。此外，喺港未來地區亦有「橫濱地標塔（Landmark Plaza）」、「YOKOHAMA WORLD PORTERS」同「MARK IS 港未來」等大型複合商業設施，有多間商店同餐廳進駐，設施充實豐富。
橫濱太空世界（YOKOHAMA COSMOWORLD）
橫濱太空世界係位於港未來地區中心位置嘅遊樂園。約有30種類嘅遊樂設施，有令遊客尖叫嘅遊樂設施，亦有恐怖類型同體驗類型等各種設施。其中更以名為「Cosmo Clock 21」嘅大摩天輪最知名，係最基本且受歡迎嘅設施。高約112米，從摩天輪上可以俯瞰港未來地區。
景點資訊
- 名稱：橫濱太空世界（YOKOHAMA COSMOWORLD）
- 地址：〒231-0001 神奈川縣橫濱市中區新港2-8-1
- 交通方式：港未來線「港未來站」徒步約2分鐘
- Wi-Fi：無
- 語言：僅限日文
- 信用卡：無法使用
港未來地區賞夜景影相景點
喺港未來地區想欣賞美麗景色嘅話，首先推去「大棧橋」，可以瞭望港未來港灣區域嘅景色。此外，夜景更加係璀璨奪目，係被選為夜景100選嘅嘅名勝之一。
另一個推薦嘅地方係位於橫濱地標塔（Land Mark Tower）69樓嘅「Sky Garden」展望台。喺「Sky Garden」展望台可以欣賞360度環繞嘅景色。眼前係橫濱嘅市區街景，可以眺望東京鐵塔、富士山、伊豆半島等景色。
橫濱港未來推薦美食同餐廳
喺橫濱港未來地區可以搵到日式料理、西式料理、中華料理等提供各種料理款式嘅餐廳。此外，好多餐廳聚集在喺複合商業設施嘅同一樓層，行完街買完嘢之後，仲可以嚟呢度嘆世界！
橫濱港未來推薦住宿旅館
港未來地區嘅推薦住宿以「港未來站」為中心，座落於車站附近。有多間面臨橫濱港嘅旅館，可以欣賞海景及港未來市區街景嘅絕佳位置為其魅力。如果限港未來地區嘅話旅館嘅選項會比較少，可以參考鄰近嘅櫻木町站、元町・中華街站附近嘅旅館。
從東京前往橫濱港未來嘅交通方式
從東京都內前往港未來地區「港未來站」，可從東京站乘搭JR東海道線或橫須賀線，於橫濱站轉車。車程約50分鐘即可抵達。
景點資訊
- 名稱：橫濱 港未來（港未來站）
- 地址：〒220-8173 橫濱市西區港未來3-5
- 交通方式：緊鄰港未來站
- Wi-Fi：有免費Wi-Fi（YOKOHAMA_Free_Wi-Fi）
- 語言：英文、中文、韓文
- 信用卡：可使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International大來國際信用卡、銀聯卡（依設施而定）
Comments