橫濱中華街係可以享用中華料理嘅人氣觀光景點。模仿中國街道小巷，含有美食、購物、消遣、娛樂、寺院參拜等等，聚集咗種類豐富嘅店鋪同各式觀光名勝。
關於橫濱中華街
橫濱中華街歷史悠久，1860年代横濱港開港後，橫濱地區嘅華僑人口開始有所增長。當初中華街形成之時，淨係得3間店舗，現今店舗數量總共多達600間以上。從店鋪數量以及四方500米嘅廣大面積嚟睇，唔單止係日本，甚至係東亞洲中規模最大嘅中華街。
橫濱中華街嘅好去處
橫濱中華街有美食、購物、遊樂、寺院參拜等等，可以從各種方面享受呢度嘅一切。今次小編就要為大家介紹好幾個推薦嘅觀光景點。
橫濱中華街嘅美食及餐廳
横濱中華街有多間提供飲食嘅店鋪，約300間以上嘅店鋪鱗次櫛比。如果想喺呢度充分享受美食，推薦邊行邊食。招牌菜式嘅小籠包、菜肉包、魚翅湯、粽、芝麻糯米糍、杏仁軟雪糕等等應有盡有。其中上圖所示嘅小籠包更加係絕品！皮嘅口感非常特別，一咬落去內裡充滿骨膠原嘅肉汁爆汁咁噴出嚟，呢種配搭又夾又好味！
亦或如果想悠閒享用正宗中華料理嘅話可以入餐廳。北京烤鴨、紅燒魚翅、麻婆豆腐、中式炒飯等等一道道菜任你選擇。任你喜歡想食廣東菜、上海菜、四川菜、北京菜都得，係呢度嘅一大魅力！
橫濱中華街大門
建於橫濱中華街東南西北嘅入口同街道各處有10座稱為牌樓嘅大門，其中善隣門係横浜中華街中最先建成嘅門，於電視節目及雜誌等各媒體被大力宣傳，備受大眾矚目。色彩鮮艷，莊嚴嘅大門，作為影相打卡嘅景點非常受歡迎。
位於橫濱中華街嘅寺院
橫濱中華街有2座寺院。分別為「横濱關帝廟」同「横濱媽祖廟」。祭祀道教之神嘅神殿，據聞對生意興隆，戀愛成就有利。另外，華麗嘅外觀都係重點，横濱關帝廟以紅色為基礎嘅裝飾同裝飾於屋頂嘅龍為特徵，而横濱媽祖廟以藍色為基礎嘅裝飾同龍嘅雕刻為特徵。
橫濱中華街一大節目「春節」
喺中國，農曆正月稱為「春節」，並會舉行盛大慶祝活動。而橫濱中華街亦於1986年開始舉辦春節慶典活動，喺呢度同樣可以感受到中國新年嘅氣氛。
除咗會進行舞龍舞獅表演，穿戴皇帝服飾嘅遊行等等介紹中國傳統文化嘅娛樂表演之餘，餐廳亦會迎合春節喜興提供特別餐單。現今為橫濱觀光嘅代表性活動，亦係橫濱中華街一年之中人潮最多嘅活動。
春節往年於2月頭～3月頭之間為期15日。根據年份舉辦時期會有少少差異，詳情請參閱橫濱中華街官方網站。
如何抵達橫濱中華街呢？
想前往橫濱中華街，從橫濱站乘搭港未來線抵達「元町・中華街站」。從元町・中華街站徒歩約1分鐘即達。
景點資訊
- 景點名稱：橫濱中華街
- 地址： 神奈川縣横濱市中區山下町
- 交通方式：從港未來線「元町・中華街站」徒歩約1分鐘即達
- 是否提供Wi-Fi：有（YOKOHAMA CHINATOWN Wi-Fi）
- 語言：中文
- 信用卡：VISA, MasterCard, JCB, AMERICAN EXPRESS, Diners Club International（根據店鋪有所差異）
Comments