神奈川縣屈指可數嘅觀光溫泉地區ー箱根

箱根作為日本出名嘅溫泉地區，被稱為「箱根二十湯」，豐富天然溫泉從地底下湧出。除咗溫泉，仲有自然景觀、神社寺廟、美術館等等觀光景點。

關於箱根

箱根位於神奈川縣西部，主要分為3個地區。

「箱根湯本車站・大平台地區」作為箱根嘅正門，有著繁榮嘅商店街，想購買箱根當地嘅紀念品就一定要去呢度喇。「小涌園・強羅地區」佈滿溫泉主題公園溫泉及自然公園等觀光景點。「大涌谷・桃源台地區」則係有蘆之湖及箱根空中纜車等經典嘅觀光景點。

今次小編就同大家介紹箱根各式各樣嘅觀光景點先。

箱根擁有大約20種唔同泉質嘅溫泉區。唔同嘅溫泉地區有唔同嘅功效，一於造訪呢度嚟個溫泉巡禮親身感受一下啦。另外仲有溫泉主題公園「箱根小涌園Yunessun」，附有足湯嘅Café，可以輕鬆浸溫泉嘅設施等等。

箱根空中纜車係作為連接箱根山、蘆之湖、大涌谷等人氣觀光勝地嘅運輸工具。從纜車窗望出去更可以遙望富士山、大涌谷之噴煙、蘆之湖等景色，因而非常受遊客歡迎。

另外，箱根仲有可以抵達箱根溫泉街嘅「箱根登山鐵道」、登上箱根山嘅「箱根登山Cable car（登山纜車）」，環遊蘆之湖嘅「海盜船」等等，都可以去搭一下。

具歷史年代嘅箱根美術館於1952年開館。館内展出陶器以及埴輪（日本古墳頂部同墳丘四周排列嘅素陶器）。仲可以喺日本庭園「神仙郷」觀看紅葉，胡枝子，竹林等隨季節變化嘅景色。

除咗箱根美術館，箱根仲有「彫刻之森美術館」同「箱根玻璃之森美術館」等等各式各樣嘅美術館。

箱根內有各種庭園，例如於箱根美術館內嘅「神仙郷」、日本最古老嘅法式庭園「強羅公園」、早雲寺内嘅「枯山水庭園」等等。到處都可以欣賞到美麗景色，有時間嘅話不妨到此一遊。

只要買咗箱根周遊券，就可以喺指定期間內無限次乘搭箱根空中纜車及箱根登山鐵道等。另外，包括介紹過嘅設施在內，喺各種觀光設施都可以享有優惠折扣，非常實惠。想嚟箱根玩個盡興不如買返一張傍身啦！

於大涌谷周圍製成嘅箱根美食「黒蛋」非常出名。剝走個殼望落去同普通水煮蛋無分別，但蛋黃嘅美味得以濃縮，散發淡淡嘅硫黄清香為特徵。

另外，以箱根溫泉地湧出嘅溫泉水同天然番薯製成嘅「自然薯蕎麥麵」同「豆腐甜品」都非常受歡迎。

箱根從細細間嘅旅館到大型度假酒店等住宿地方都應有盡有。特別喺箱根觀光勝地嘅箱根湯本車站附近，更設有大型酒店，而「小涌園・強羅地區」亦佈滿富有日本特色嘅酒店。

作為溫泉街嘅箱根，擁有多間旅館。旅館大多數設有私人溫泉室或內附露天溫泉客室，價錢較高，平均為20,000円起。

從東京出發抵達「箱根湯本站」，從新宿站搭小田急浪漫特快（Romance Car）為最優效率嘅交通方式。唔使轉車一條線直達目的地，所需時間約1小時40分鐘，車費為大約2,100円。（2019年4月資訊）