江之島係位於神奈川縣・湘南地區嘅海上小島。自然景觀、神社、燈塔、洞窟等等，有好多觀光景點。此外，江之島亦以新鮮嘅魚貝類料理聞名。嚟到江之島觀光嘅話咁就一定要嚟食海鮮美食啦！
關於江之島
江之島係位於神奈川縣藤澤市周圍4公里左右嘅小島。島內自然資源豐富，又被稱為「綠色的江之島」。另外，雖然極其稀少，但喺江之島附近嘅海域甚至有機會可以睇到野生海豚群同鯨魚。
於江之島島內同附近地區必逛景點
江之島有好多個觀光景點，今次小編就要推薦大家其中幾個必訪景點。
江島神社
江島神社係祭祀日本三大辯才天（日本神話中的七福神之一）嘅神社之一。由「邊津宮」、「中津宮」、「奥津宮」3個神殿組成。此外，喺中津宮可以抽「水籤占卜」，將籤浸水後可以睇到運勢，相當具有神秘魅力且新奇有趣，因此受到觀光客歡迎。
景點資訊
- 名稱：江島神社
- 地址：〒251-0036 神奈川縣藤澤市江之島2-3-8
- 交通方式：小田急江之島線「片瀨江之島站」徒步約15分鐘
- Wi-Fi：有（FUJISAWA 免費 Wi-Fi）
- 語言：僅限日文
- 信用卡：無法使用
江之島瞭望燈塔（Sea Candle）
江之島瞭望燈塔（Sea Candle）係江之島燈塔嘅別名。從室內同室外嘅展望台可以欣賞到太平洋或富士山、同沉入大海嘅夕陽美景。
景點資訊
- 名稱：江之島瞭望燈塔（Sea Candle）
- 地址：〒251-0035 神奈川縣藤澤市片瀨海岸2-19-1
- 交通方式：小田急江之島線「片瀨江之島站」徒步約20分鐘
- Wi-Fi：有（FUJISAWA 免費 Wi-Fi）
- 語言：僅限日文
- 門票：於入口處購票
- 信用卡：無法使用
江之島岩屋（洞窟）
江之島岩屋係受海浪侵蝕形成嘅天然洞窟。洞窟內分為第一岩屋同第二岩屋，內有神社同遺跡、龍之像、雷太鼓等展示品可供遊客參觀。此外，推薦可以試吓一手拎著蠟燭喺洞窟中散步探險，會係相當特別嘅體驗。
景點資訊
- 名稱：江之島岩屋（洞窟）
- 地址：〒251-0036 神奈川縣藤澤市江之島2-5
- 交通方式：小田急江之島線「片瀨江之島站」徒步約30分鐘
- Wi-Fi：有（FUJISAWA 免費 Wi-Fi）
- 語言：僅限日文
- 門票：於入口處購票
- 信用卡：無法使用
江之島海灘
江之島附近嘅「江之島片瀨東濱海灘」，右手邊係江之島，左手邊可瞭望三浦半島，係推薦嘅觀光景點之一。夏季開放海水浴場，有海之家攤販同商店喺呢度營業。鄰近新江之島水族館，可順道一遊，徹底地玩盡佢！
景點資訊
- 名稱：江之島片瀨東濱海灘
- 地址：〒251-0035 神奈川縣藤澤市片瀨海岸1-15
- 交通方式：小田急江之島線「片瀨江之島站」徒步約2分鐘
- Wi-Fi：有（FUJISAWA 免費 Wi-Fi）
- 語言：僅限日文
- 門票：於入口處購票
- 信用卡：無法使用
新江之島水族館
嚟到江之島觀光，推薦順道造訪「新江之島水族館」。距離江之島徒步約10分鐘左右，係以寓教於樂為主題嘅水族館。館內區分14個展示區域，可以鑑賞各式各樣嘅海洋生物。此外，有各種活動例如可以同海洋動物親密接觸，仲有表演可以睇，內容相當精彩豐富。其中海豚表演魄力十足，係新江之島水族館好受歡迎嘅人氣活動。
景點資訊
- 名稱：新江之島水族館
- 地址：〒251-0035 神奈川縣藤澤市片瀨海岸2-19-1
- 交通方式：小田急江之島線「片瀨江之島站」徒步約3分鐘
- Wi-Fi：有
- 語言：英文、中文、韓文
- 門票：可於入口處、車站、便利商店購票
- 信用卡：可使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International、銀聯卡
江之島嘅美食同餐廳
講到江之島嘅特產美食，首推「生鮮魩仔魚丼（生しらす丼）」。喺湘南海岸撈捕新鮮魩仔魚，趁新鮮狀態奢侈地大量盛放到白飯上，份量十足嘅一道料理。喺江之島入口附近，名店鱗次櫛比，可以生食新鮮魩仔魚丼或海鮮丼等等。此外，夾著魩仔魚同薩摩炸魚餅（さつま揚げ）嘅「薩摩炸魚餅魩仔魚漢堡包（さつましらすバーガー）」亦係受歡迎嘅人氣美食之一。
江之島推薦住宿旅館
江之島附近嘅推薦住宿，從青年旅舍到日式旅館、度假型旅館等等種類眾多。好多都位於距離車站徒步約10分鐘範圍內，距離較遠嘅旅館則多數有提供接駁車接送服務。住宿房價費用從5,000円～20,000円不等，平價實惠嘅住宿費用真係非常吸引！
從東京至江之島嘅交通方式
最接近江之島嘅車站係「片瀨江之島站」。從東京前往片瀨江之島站嘅交通方式，以從新宿站出發為最簡單方便。乘搭小田急江之島線浪漫特快列車（ロマンスカー）「江之島（えのしま）號」即可直達，車程約1小時10分鐘。
景點資訊
- 名稱：江之島（小田急江之島線「片瀨江之島站」）
- 地址：〒251-0035 神奈川縣藤澤市片瀨海岸2-15-3
- 交通方式：從新宿站乘搭浪漫特快列車（ロマンスカー）「江之島（えのしま）號」約1小時10分鐘
- Wi-Fi：有（FUJISAWA 免費 Wi-Fi）
- 語言：英文
Comments