鎌倉位於神奈川縣南部，擁有100間以上嘅寺院，眾多舊式建築物林立，散發出古老懷舊氣氛。另外，鎌倉為環山面海 嘅知名觀光目的地，氣候較其他地區溫暖，非常適合午後時分嚟呢度散步。
關於鎌倉
鎌倉為1185年～1333年由鎌倉幕府開墾，「古都鎌倉」係一條富有歷史感嘅街道。呢度林立眾多神社佛閣，殘留昔日風貌嘅街道景色，散發鎌倉獨有嘅風情。
另外，鎌倉主要分為4個觀光地區。車站附近嘅「鎌倉舊市街」，鎌倉車站以北嘅「北鎌倉」、東邊嘅「金澤街道」，西邊嘅「長谷·由比濱」地區。無論邊一個地區都充滿各式觀光景點，建議嚟鎌倉散步可以集中喺同一個區域活動。
鎌倉氣候・適合觀光嘅季節
鎌倉氣候溫暖，由於南面對海，三面環山，因此夏天清涼，冬天溫暖，全年任何時候去鎌倉散步都無問題。其中以夏天以及秋天觀光最為適合。初夏迎接繡球花，秋天亦可以觀賞銀杏樹及楓樹所飄落嘅紅葉。鎌倉富有各式觀光名勝，有機會嚟嘅話一定唔可以錯過觀賞呢度嘅景色。
鎌倉觀光好去處
鎌倉擁有鎌倉大佛以及可以欣賞美麗花朵嘅寺院。
鎌倉大佛
鎌倉坐擁全國聞名嘅「高德院」寺院及「鶴岡八幡宮」神社。高德院可以參拜日本三大佛像之一嘅鎌倉大佛。另外，鶴岡八幡宮係同鎌倉幕府初代將軍「源頼朝」有深厚淵源嘅神社，可以參拜具800年以上歴史嘅正殿。
鎌倉嘅大自然環境
鎌倉嘅大自然環境亦係看點之一。根據季節變化可以欣賞到唔同種類嘅花。春天櫻花；夏天繡球花、蓮花；秋天紅葉；冬天山茶花、梅花。而「明月院」，「妙本寺」，「報國寺」，「円覺寺」及「長谷寺」更加係可以欣賞到唔同季節嘅花嘅名勝地區。
鎌倉美食以及餐廳
於鎌倉嘅餐廳可以享用由當地採摘嘅菜及從湘南海撈獲嘅魚類，貝殼類所製成嘅料理。車站周圍有多間飲食店，日式・意大利式・法式等等提供應有盡有嘅美味料理。
另外，仲可以邊行邊輕鬆享用鎌倉美食。從鎌倉車站東口至鶴岡八幡宮嘅參道附近嘅「小町通」，林立約70間以上嘅飲食店。其中具人氣嘅美食為鎌倉串炸、煎雞蛋、炸物、麥田菓子、窩夫等等。
位於鎌倉嘅酒店及旅館
鎌倉Guest house數量較多，而酒店以及旅館數量較少。鎌倉站以南嘅海岸地區，酒店數量會比較多。
如何從東京出發前往鎌倉呢？
想前往鎌倉觀光，從東京站出發前往鎌倉站可以乘搭JR横須賀線，唔需要轉車一條線直通。車程約1小時。
景點資訊
- 景點名稱：鎌倉（鎌倉站）
- 地址： 神奈川縣鎌倉市小町1丁目
- 交通方式：從東京站乘搭JR横須賀線約1小時抵達
- 是否提供Wi-Fi：有
- 語言：英文
- 可用信用卡：VISA, MasterCard, JCB, AMERICAN EXPRESS, Diners Club International, 銀聯
Comments