箱根濕生花園可以欣賞到濕原，河川，沼澤等濕地嘅植物生態。係一個人氣觀光景點可以欣賞到豐富大自然環境同四季更迭嘅花卉。特別推薦絢麗多彩嘅水芭蕉季同被紅葉渲染嘅秋季。
箱根濕生花園內欣賞眾多植物
箱根濕生花園係一個於濕原，河川，沼澤等濕地孕育嘅植物為中心嘅植物園。 園內嘅低窪地區至高山地區，除種植咗約200種日本各地濕原地帶植物，亦種植咗約1100種草原，森林，高山植物。此外，包含外國稀有嘅山頭野草在內，約有1700種四季不同嘅花卉可以觀賞。沿著花園路徑，從低窪地區至高山地區嘅散步路線，可以欣賞到逐漸繁盛嘅濕地植物。喺呢度可以欣賞四季更迭嘅植物花卉，係一個非常值得一遊嘅植物園。參觀所需時間方面，悠閒散步大約40分鐘；如果去園內展覽室睇植物嘅相片同影片嘅話就大約20分鐘。
箱根濕生花園嘅最大特色
箱根濕生花園最大嘅特色係可以觀察到種類豐富嘅花花草草。喺濕地種植咗200種日本各地嘅植物，1100種高山植物，以及其他約1700種植物。亦可以喺度觀賞到外國罕有嘅山頭野草。而季節性盛開嘅花卉中以芭蕉特別具有人氣。箱根濕生花園內種植咗2萬株水芭蕉，吸引大批觀光客前往參觀。
箱根濕生花園嘅開放時間
箱根濕生花園嘅開園期間為3月頭至11月尾。從12月1日至3月頭至中，由於花開得比較少，所以會閉園休館。而開放時間為上午9點至下午5點。最遲入園時間為下午4點半（開園期間不作休息）。
去箱根濕生花園嘅交通方式
從東京出發前往，從「品川站」乘搭新幹線或JR電車前往「小田原站」。再從「小田原站」乘搭箱根登山鐵道，於「箱根湯本站」落車，轉搭往強羅方向嘅箱根登山鐵道，於「強羅站」落車。最後於「強羅站」乘搭箱根登山巴士（約30分鐘）抵達終站「箱根濕生花園」落車徒步即抵達。
景點資訊
- 景點名稱：箱根濕生花園
- 地址：神奈川縣足柄下郡箱根町仙石原817番地
- 交通方式：於強羅站士乘搭往「箱根濕生花園」方向嘅箱根登山巴士，約30分鐘抵達終站落車
- 是否提供Wi-Fi：沒有
- 對應語言：僅限日文
- 購票地方：僅限網站
- 可否使用信用卡：不支援
Comments