神奈川縣嘅箱根以温泉鄉而聞名。蘆之湖及群山環繞嘅箱根嘅自然風景豐富，可以欣賞到四季更迭嘅景色。喺環境優雅嘅箱根內，有幾間美術館林立。於各美術館內，可以喺美麗嘅空間內欣賞到充滿唔同特色嘅作品。本文將為大家介紹其中5間具魅力嘅美術館。
箱根美術館
喺箱根，溫泉，蘆之湖同小涌谷等等嘅觀光景點非常出名。除此之外，仲有多間充滿特色嘅美術館。大部分美術館佔地廣闊，融合箱根嘅自然環境，營造出悠閒雅緻嘅空間，可以喺呢度悠閒度過午後時光。有可以近距離接觸嘅藝術，又可以享受足湯嘅美術館等等，想點玩都得。一於去巧妙運用空間感，開放感十足嘅美術館內鑑賞藝術作品都唔錯吖！
5間箱根推薦美術館
喺箱根有好多藝術景點。今次小編就要為大家介紹5間被大自然環繞嘅美術館。
箱根美術館
箱根美術館係箱根內歷史最悠久嘅美術館。展出素陶器（埴輪）、壺、茶碗等等日本燒陶作品。可以欣賞到從繩文時代到江戶時代嘅古老藝術品。
去箱根美術館嘅交通方式
乘搭往強羅方向嘅箱根登山鐵道，於「強羅站」落車，轉搭空中纜車，於「公園上站」落車即可抵達。
景點資訊
- 景點名稱：箱根美術館
- 地址：神奈川縣箱根町強羅 1300
- 交通方式：從小田原站乘搭箱根登山鐵道，於「箱根湯本站」落車，轉搭往強羅方向嘅箱根登山鐵道，於「強羅站」落車，再轉搭空中纜車，於「公園上站」落車即可抵達。
- 是否提供Wi-Fi :有
- 對應語言：僅限日文
- 購票地方：美術館售票處
- 可否使用信用卡：不支援
箱根彫刻之森美術館
箱根彫刻之森美術館係一間露天美術館，於具開放感嘅庭園內展出各式各樣嘅彫刻。可以拍攝四周圍嘅彫刻作品，係影相打卡嘅好地方。
前往箱根彫刻之森美術館嘅交通方式
於箱根登山鐵道「彫刻之森」站落車、徒歩約2分鐘抵達。
景點資訊
- 景點名稱：箱根彫刻之森美術館
- 地址：神奈川縣足柄下郡箱根町二之平1121
- 交通方式：小田原站→箱根湯本站→箱根登山鐵道「彫刻之森」站落車，徒歩約2分鐘
- 是否提供Wi-Fi :有
- 對應語言：僅限日文（設有外語語音導覽）
- 購票地方：美術館售票處，便利店
- 可否使用信用卡：不支援（美術館紀念品店內可以使用）
POLA美術館
POLA美術館內展出莫奈，雷諾亞等等印象派畫家嘅名畫。以透光玻璃建造，外觀精緻美麗。
去POLA美術館嘅交通方式
於箱根登山鐵道「強羅站」落車，乘搭往「濕生花園」方向嘅循環巴士抵達「POLA美術館前」落車即抵達。
景點資訊
- 景點名稱：POLA美術館
- 地址：神奈川縣足柄下郡箱根町仙石原小塚山1285
- 交通方式：於「箱根湯本站」乘搭箱根登山鐵道，於「強羅站」落車，乘搭往「濕生花園」方向嘅循環巴士（約13分鐘）於「POLA美術館前」落車即抵達。
- 是否提供Wi-Fi：有
- 對應語言：英文
- 購票地方：美術館售票處，特定車站，便利店
- 可否使用信用卡：VISA， MasterCard，JCB
岡田美術館
岡田美術館展出以日本、中國、韓國位中心，從古代到現代嘅藝術品。設施範圍內設有庭園，可以一賞箱根四季更迭嘅自然風景。
前往岡田美術館嘅交通方式
於箱根湯本站乘搭伊豆箱根巴士，於「小涌園」落車行一陣即到達。
景點資訊
- 景點名稱：岡田美術館
- 地址：神奈川縣足柄下郡箱根町小涌谷493-1
- 交通方式：從箱根湯本站乘搭伊豆箱根巴士（約20分鐘）於「小涌園」落車、徒步即抵達。
- 是否提供Wi-Fi :有
- 對應語言：僅限日文
- 購票地方：特定車站, 便利店
- 可否使用信用卡：VISA, MasterCard, JCB
成川美術館
於成川美術館可以鑑賞現代日本畫嘅收藏品。館內設有展望台，可以眺望蘆之湖以及富士山等等箱根嘅美景。
前往成川美術館嘅交通方式
從箱根湯本站乘搭箱根登山巴士，於「元箱根港」落車徒歩約３分鐘抵達。
景點資訊
- 景點名稱：成川美術館
- 地址：神奈川縣足柄下郡箱根町元箱根570番
- 交通方式：小田原站乘搭箱根登山鐵道，於「箱根湯本站」落車、乘搭箱根登山巴士於「元箱根港」落車徒歩約3分鐘抵達。
- 是否提供Wi-Fi :有
- 對應語言：僅限日文
- 購票地方：美術館售票處，特定車站，便利店
- 可否使用信用卡：不支援（美術館紀念品店內可以使用）
前往箱根嘅交通方式
從東京前往「箱根湯本站」，先從品川站乘搭新幹線或者JR電車，於小田原站落車，再轉乘箱根登山鐵道於「箱根湯本站」落車即抵達。
Comments