成川美術館位於可以俯瞰神奈川縣蘆之湖嘅山岳上。館內展出多件現代日本畫。於美術館嘅展望台，可以眺望蘆之湖以及自然豐富嘅群山美景。非常推薦嚟箱根欣賞優秀嘅日本畫作嘅同時，眺望蘆之湖景色。
於成川美術館鑑賞現代日本畫
成川美術館於1988年，喺箱根蘆之湖湖畔開館。建造於自然環境豐富，有少少高嘅山岳上。位於可以眺望蘆之湖以及富士山嘅絕佳地理。館内收藏多達4000件現代日本畫，聚集展出現代日本畫大師嘅最佳傑作。以山本丘人為主，展出其代表作約150件，亦有展出平山郁夫嘅作品約40件。除此之外，仲有介紹其他日本明日之星嘅畫作，展現現代日本畫嘅未来。欣賞優秀嘅日本畫作嘅同時，可以眺望蘆之湖景色。成川美術館嘅開放時間為上午9點至下午5點（全年無休）。入場費大人為1300円、大學生及中學高中生900円、中學初中生及小學生600円。
成川美術館嘅特色
成川美術館聚焦展出戰後日本畫嘅名作。其中以帶領日本畫發展嘅山本丘人嘅作品為中心展出。唔單止淨係展出大師嘅作品，仲展出各式各樣明日之星嘅畫作，為成川美術館嘅特徵。另外，透過館内嘅落地玻璃窗仲可以欣賞蘆之湖全景，富士山以及箱根群山。於館内嘅休憩區仲有小食或蛋糕set。眺望蘆之湖美景嘅同時，於午後時光優雅地享用茶點。於美術館紀念品店內、仲可以買酊附畫框嘅複製畫及原創商品等等，肯定可以買到一份適合你我他嘅紀念品。
去成川美術館嘅交通方式
從東京前往成川美術館嘅交通方式，從羽田機場出發嘅話，乘搭京急線於品川站落車，再乘搭新幹線或JR線抵達小田原站。再從小田原站乘搭箱根登山鐵道，於「箱根湯本站」落車。最後乘搭箱根登山巴士，於「元箱根港」落車徒歩約３分鐘即抵達。
景點資訊
- 景點名稱：成川美術館
- 地址：神奈川縣足柄下郡箱根町元箱根570番
- 交通方式：小田原站乘搭箱根登山鐵道，於「箱根湯本站」落車、乘搭箱根登山巴士於「元箱根港」落車徒歩約３分鐘抵達。
- Wi-Fi支援: 有
- 對應語言：僅限日文
- 購票地方：美術館售票處，特定車站，便利店
- 可否使用信用卡：基本上不支援（只可於美術館紀念品店內可以使用）
Comments